នៅព្រឹកថ្ងៃទី២០ខែតុលាឆ្នាំ២០១៨ លោក ឃួង ស្រេង អភិបាលរាជធានីភ្នំពេញ បានចុះពិនិត្យបណ្តាញលូនៅមហាវិថីសហព័ន្ឋរុស្សុីមុខព្រះលានយន្តហោះ ប្រឡាយចំការឳឡឹក ប្រឡាយស្របផ្លូវរថភ្លើងតាំងកសាង និងប្រឡាយទួលសំពៅ។
បញ្ហាទឹកលិចខាងលិចដងនង្គ័ល ដល់រង្វង់មូលចោមចៅ ភ្លៀងប៉ុន្មានមេចុងក្រោយនេះ ដោយសារការកកស្ទះសំរាម ក្នុងអណ្តូងលូ១ ដែលមានបានកាយសម្អាត យកចេញរួចហើយចំនួន ៣ឡាន។
លោក ឃួង ស្រេង ពាក់ព័ន្ធនិងកិច្ចការងារនេះ បានដើរមើលប្រព័ន្ធលូតាមបណ្តាយផ្លូវរុស្សី ចាប់ពីផ្លូវ២០១១ ដល់ដងន័ង្គល និងបន្តទៅមើលប្រឡាយទួលសំពៅ ស្ថិតក្នុងតបន់ភូមិសាស្ត្រ ភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ។
ប្រឡាយទួលសំពៅ មានតូនាទីយ៉ាងសំខាន់ ក្នុងការរំដោះទឹកចេញពី ផ្លូវសហព័ន្ធរុស្ស៊ី សង្កាត់ចោមចៅទី១ ទី២ ទី៣ ខណ្ឌពោធិ សែនជ័យ និងតំបន់មួយចំនួននៅក្នុងខណ្ឌសែនសុខ ដូចជាភូមិដំណាក់ សង្កាត់គោកឃ្លាង ភូមិក្រាំងអង្ក្រង សង្កាត់ក្រាំងធ្នង់ជាដើម។
ជាទិសដៅចំពោះមុខ មន្ទីរសាធារណការនិងដឹកជញ្ជូនរាជធានីភ្នំពេញ នឹងដាក់លូទំហំមួយម៉ែត្រកន្លះ ២ខ្សែនៅប្រឡាយទួលសំពៅ ក្នុងភូមិក្រាំងអង្ក្រង សង្កាត់ក្រាំងអង្ក្រង រួមនឹងការកែសម្រួល តភ្ជាប់លូប្រឡាយនៅតំបន់នេះ ឲ្យកាន់តែល្អប្រសើរជាងមុន។
ជាងនេះទៅទៀត ជាគម្រោងនៅក្នុងឆ្នាំ២០១៩ ខាងមុខនេះ ក៏នឹងសាងសង់ស្ថានីយទួលសំពៅមួយថ្មីបន្ថែមទៀតផងដែរ ដែលមានសមត្ថភាពបូមទឹកបាន១២ម៉ែត្រគុបក្នុងមួយនាទី ជាមួយនឹងការបំពាក់ម៉ូទ័របូមទឹកចំនួន៤គ្រឿង៕ ដោយ៖កូឡាប
