Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ប្រធាន​បក្ស CPP ស្រុក​រំដួល ខេត្តស្វាយរៀង ជំរុញ​ឲ្យ​សមាជិក​បក្ស ធ្វើអំពើ​ល្អ​ឲ្យ​បាន​ច្រើន​និង​ស្វាគមន៍​ជានិច្ច​រាល់​កា​ចុះចូល​ពី​គណបក្ស​ផ្សេង​

spot_img

ស្វាយរៀង ៖ ថ្លែង​នៅក្នុង​ពិធី​ប្រកាស​ទទួលស្គាល់ និង​បញ្ចូល​សមាជិក បក្ស​ដទៃ​ចំនួន​១០៣​រូប ដែល​ស្ម័គ្រចិត្ត​មក​រួម​ជីវភាព​នយោបាយ ជាមួយ​គណបក្ស​ប្រជាជន​កម្ពុជា នៅ​ឃុំ​ថ្នា​ធ្នង់ ស្រុក​រំដួល ខេត្តស្វាយរៀង លោក​សុខា រាម​ប្រធាន​គណបក្ស​ប្រជាជន​កម្ពុជា ស្រុក​រំដួល បានធ្វើការ រុញ​ដល់​សមាជិក​បក្ស​ទាំងអស់ នៅ​ឃុំ​ថ្នា​ធ្នង់ ត្រូវ​បន្ត​ធ្វើអំពើ​ល្អ និង​ចូលរួម​ដោះស្រាយ ទុក​លំបាក​ជូន​ប្រជាពលរដ្ឋ ឲ្យ​បានល្អ​ប្រសើរ​បន្ថែមទៀត ជាពិសេស​ស្វាគមន៍​ជានិច្ច រាល់​ការ​ចុះចូល ពី​គណបក្ស​ផ្សេង​ចូលមក​រួមរស់ ជាមួយ​គណបក្ស​ប្រជាជន​កម្ពុជា​។

​នៅក្នុង​ពិធី​បញ្ចូល​សមាជិក​បក្ស​នេះ ក៏មាន​ការចូលរួម​ពី​លោក​ឃ្លាំង សាយ អនុប្រធាន​ក្រុមការងារ​ចុះជួយ ឃុំ​ថ្នា​ធ្នង់ និង​អស់លោក​លោកស្រី​ជា​សមាជិក​បក្ស​ឃុំ​ជាច្រើនរូប​ផងដែរ​។​

​លោក សុខា​រាម បានលើកឡើង​ទៀតថា​ក្នុង​រយះពេល ៣៨​ឆ្នាំ​កន្លងមកនេះ ក្រោម​ការដឹកនាំ របស់​ប្រមុខ​រាជរដ្ឋាភិបាល​កម្ពុជា ដែលមាន​សម្ដេច​តេ​ជោ ហ៊ុន សែន នាយករដ្ឋមន្ត្រី នៃ​កម្ពុជា ប្រធាន​គណបក្ស​ប្រជាជន​កម្ពុជា បាន​ដឹកនាំ​នាវា​កម្ពុជា មានការ​រីកចម្រើន​ទាំង​ក្នុង​កំរិត​ជាតិ និង​លើ​ឆាក​អន្តរជាតិ​ដោយបាន​ផ្តោត​សំខាន់​ទៅលើ​វិស័យ​៤​ជា​អាទិភាព​មាន ទឹក ភ្លើង ផ្លូវ និង​មនុស្ស​។​

​លោក​ប្រធាន​គណបក្ស​ស្រុក​រំដួល​រូបនេះ បាន​បន្ថែមថា ជាការ​ពិតណាស់​យើងទាំងអស់គ្នា ស្រឡាញ់​សន្តិភាព​ហើយ​សន្តិភាព​នេះ បានមក​ដោយ​លំបាក​បំផុត​ដូច្នេះ យើង​រួមគ្នា​ថែរក្សា​សន្តិភាព នេះ​ឲ្យ​បាន​គង់វង្ស​រហូត​តទៅ មិន​បណ្ដោយ​អោយមាន​អ្នកណាម្នាក់ មក​បំផ្លាញ​នូវ​សន្តិភាព​ដែល​កើតឡើង ពី​នយោបាយ​(​ឈ្នះ​ឈ្នះ​) របស់​សម្ដេច​តេ​ជោ នាយករដ្ឋមន្ត្រី បានជា​ដាច់ខាត​។ លោក​សុខា​រាម​បានបញ្ជាក់​ប្រាប់​សមាជិក​ទាំងអស់​ថា មានតែ​គណបក្ស​ប្រជាជន​កម្ពុជា​ទេ ដែល​មិនដែល​រត់ចោល​ប្រជាពលរដ្ឋ គឺ​តែងតែ​នៅ​រួមសុខ​រួម​ទុក​នៅ​ជា​មួល​ពលរដ្ឋ រឺ​ឯ​បក្ស​ផ្សេង​មិនដែល​ធ្វើ​អ្វី​សោះ​បានតែ​ថា មិនឃើញ​ធ្វើ​អ្វី​នោះទេ គឺ​តែងតែ​បង្ក​អសន្តិសុខ ញុះញង់​បំពុលសង្គម​ហើយ គណបក្ស​សង្គ្រោះ​ជាតិ ដែល​តុលា​ការរំលាយ​ដោយសារ​មេបក្ស​រូបនេះ​រង​ការចោទប្រកាន់​ក្បត់ជាតិ​ផងដែរ​។​

​លោក​សុខា​រាម ក៏បាន​អំពាវនាវ​ដល់​អាជ្ញាធរ​មូលដ្ឋាន​ឃុំ​ថ្នា​ធ្នង់ ត្រូវ​បន្ត​ធ្វើអំពើ​ល្អ​ជាមួយ​ពលរដ្ឋ​អោយបាន​កាន់តែ​បានល្អ​ប្រសើរ​ថែមទៀត ព្រមទាំង​ត្រូវ​ផ្តល់​សេវាសាធារណៈ​ផ្សេងៗ​អោយបាន​ឆាប់រហ័ស​និង​ផ្សព្វផ្សាយ​អោយបាន​ទូលំទូលាយ​នូវ​សេវា​មិន​បង់ប្រាក់​ដូចជា សំបុត្រកំណើត សំបុត្រអាពាហ៍ពិពាហ៍ អត្តសញ្ញាណ​ប​ណ្ណ័ សៀវភៅ​គ្រួសារ​ជាដើម ដើម្បីអោយ​ពលរដ្ឋ​បានដឹង​យល់​ជ្រួតជ្រាប​ចៀស​ងវាង​មានការ​ថ្នាំងថ្នាក់​ណាមួយ​។ នៅក្នុង​ពិធី​នោះដែរ សមាជិក​បក្ស​ដែល​ទើបតែ​បញ្ចូល​ថ្មី​ក្នុង​ម្នាក់ៗ ទទួលបាន​សា​រ៉ុង​មួយ និង​ពិសារ​អាហារ​សាមគ្គី​មួយពេល​ថ្ងៃត្រង់​យ៉ាង​សប្បាយរីករាយ​ផងដែរ​៕ វ៉ៃ​កូ​

spot_img
×