កាលពីពេលកន្លងទៅថ្មីៗនេះ មានករណីភ្ញាក់ផ្អើលមួយបានកើតឡើង នៅឯរង្វង់មូលនាងមច្ឆា ឬហៅថា (រង្វង់មូលផ្សារដើមថ្កូវ) ស្ថិតក្នុងសង្កាត់ផ្សារដើមថ្កូវ ខណ្ឌចម្ការមន ។ ការភ្ញាក់ផ្អើលដែលនាំឲ្យមានមនុស្សម្នាទៅមើលយ៉ាងព្រោងព្រាតបែបនេះ បើតាមប្រភពឲ្យដឹង គឺនៅពេលដែលអាជ្ញាធរបម្រុងធ្វើការកាយយកភក់ចេញ និងប្តូរទឹកថ្មី ហើយក៏ស្រាប់តែប្រទះឃើញត្រីរស់ធំៗជាច្រើនក្បាល ដែលពុំមានអ្នកណាម្នាក់ចាប់អារម្មណ៍ដឹងពីមុនមក ហើយក៏ពុំដឹងថានរណាជាអ្នកព្រលែងពួកវាចូលក្នុងនោះផងដែរ ។
ទោះយ៉ាងណា ករណីនេះបានលេចធ្លាយហើយ ខណៈប្អូនស្រីជាពេទ្យសត្វម្នាក់បានចេញមុខអះអាងតាមរយៈគណនីហ្វេសប៊ុករបស់នាងឈ្មោះ Mss Da ដោយបានសរសេររៀបរាប់យ៉ាងដូច្នេះថា៖ «កន្លែងនេះជាកន្លែងដែលខ្ញុំប្រលែងត្រីតាំងតែពីខ្ញុំអាយុ៧ឆ្នាំ រហូតដល់ដល់ខ្ញុំរៀនថ្នាក់ទី9ទើបឈប់ប្រលែងហើយត្រីទាំងនេះជាត្រីដែលខ្ញុំយកពីផ្សារយកមកព្រលែងឥឡូវធំៗនឹងស្អាតៗដល់ហើយ? សង្ឃឹមថាត្រឹមតែលាងសម្អាតបានហើយកុំចាប់ពួកវា សុីអី??អាណិតទឹកចិត្តអ្នកព្រលែងដើម្បីអោយវារស់ផង?» ៕ ដោយ៖ ឧត្តម
