Sunday, November 28, 2021

ក្រុម​អវកាសយាន​និក បាន​សំឡឹង​ឃើញ​ផ្ទាល់​ភ្នែក ខណៈពេល​សង្ស័យថា កាំជ្រួច​កូរ៉េ​ខាងជើង​បាន​ផ្ទុះ​ក្នុង​បរិយាកាស​ផែនដី​

​កង​ហោះហើរ​មួយ​របស់​ក្រុមហ៊ុន​អាហា​កាស​ចរណ៍ Cathay Pacific ប្រកាសថា ពួកគេ​បាន​សម្លឹង​ឃើញ​វត្ថុ​មួយ​សង្ស័យថា ជា​កាំជ្រួ​ចរបស់​កូរ៉េ​ខាងជើង បាន​ផ្ទុះ​ក្នុង​ស្រទាប់​បរិយាកាស ខណៈពេល​យន្តហោះ​របស់​ពួកគេ​បាន​ធ្វើដំណើរ​ឆ្លងកាត់​ដែនអាកាស​ជប៉ុន​កាលពី​សប្តាហ៍​មុន​។​

​ករណី​បាញ់​បង្ហោះ​កាំជ្រួច​មួយ​របស់​កូរ៉េខាងជើង​

ស្ថានីយ៍ BBC នៅ​ថ្ងៃ​ទី ៤/១២ បាន​ផ្សាយ​ព័ត៌មាន​ថា កង​បើកបរ​យន្តហោះ​របស់ Cathay Pacific -​ក្រុមហ៊ុន​អាកាសចរណ៍​ពុំ​មាន​ស្នាក់ការ​កណ្តាល​នៅ​ហុងកុង ប្រកាស​ប្រាប់​ថា ពួកគេ​បាន​សម្លឹង​ឃើញ​ផ្ទាល់​ភ្នែក​នូវ​វត្ថុ​សង្ស័យថា ជា​កាំជ្រួច​កូរ៉េខាងជើង​ក្នុងតំណាក់កាល​សំ​យ៉ុង​ក្បាល​ចុះ​មក​កាន់​ស្រទាប់​បរិយាកាស​បាន​ផ្ទុះ​ឆេះ ខណៈពេល​យន្តហោះ​ពួកគេ​ឆ្លងកាត់​ដែនអាកាស​ប្រទេស​ជប៉ុន​កាលពី​សប្តាហ៍​មុន​នេះ​។​

​តាម SCMP នាយក​ប្រតិបត្តិ Cathay Pacific លោក Mark Hoey គ្រា​នោះ​បាន​ប្រកាស​ឲ្យដឹង​ថា ៖ “​ថ្ងៃនេះ (២៩/១១) អ្នកបើកបរ​ជើងហោះហើរ​លេខ CX893 ប្រកាសថា បានឃើញ​កាំជ្រួច​កូរ៉េខាងជើង​ផ្ទុះ​នៅ​ពុំ​ឆ្ងាយ​ប៉ុន្មាន​ពី​ទីតាំង​របស់​យន្តហោះ​”​។​

​យន្តហោះ ២​គ្រឿង​ទៀត​របស់​គូ Korean Air ដែល​ចេញ​ដំណើរ​ពី​អាមេរិក​មក​កាន់​ក្រុង​សេ​អ៊ូ​ល ក៏​បាន​សម្លឹង​ឃើញ​ហេតុការណ៍​ស្រដៀង​គ្នា​នេះ​ដែរ នៅ​ខណៈពេលដែល​កូរ៉េខាងជើង​បាញ់​បង្ហោះ​កាំជ្រួច​អន្តរ​ទ្វីប ហើយ​ក្រុង​ព្យុង​យ៉ាង​អះអាងថា ជា​កាំជ្រួច​ខ្លាំង​បំផុត​ក្នុង​ប្រវត្តិសាស្ត្រ​របស់​ខ្លួន​ដែល​ធ្លាប់​សាកល្បង​។​

​ប្លែក​ពី​ប្រទេស​ដទៃ​ទៀត ក្រុង​ព្យុងយ៉ាង​ពុំ​ដែល​ប្រកាស​មុន​ពេល​សាកល្បង​កាំជ្រួច​ឡើយ ប្រការ​នេះ​មានន័យ​ថា កាំជ្រួច​អាច​ហោះហើរ​តាមផ្លូវ​ចលនា​របស់​យន្តហោះ ដោយ​ពុំ​មាន​ប្រកាស​ប្រាប់​មុន ជាហេតុ​នាំឲ្យ​មាន​ការគំរាមកំហែ​ង​ចំពោះ​សុវត្ថិភាព​អាកាសចរណ៍​ស៊ីវិល​។​

​កាលពី​ខែ ៨/២០១៧ ក្រុមហ៊ុន Air France របស់​បារាំង បានជ្រើសរើស​ផ្លូវ​ហោះហើរ វាង​ឆ្ងាយ​ពី​គន្លង​ហោះហើរ​នៃ​កាំជ្រួច​របស់​កូរ៉េខាងជើង​បំណង​បញ្ចៀស​គ្រោះថ្នាក់​ជា​យថាហេតុ​៕ ចន្ទ្រា​