វីដេអូថតចេញពីទូរស័ព្ទៃ បានចាប់បានពីខណៈពេលគួរឲ្យភ្ញាក់ផ្អើលមួយ ដែលសត្វដំរីព្រៃ១ក្បាល បានចូលលួចស្បោងស្រូវពីផ្ទះរបស់អ្នកភូមិ ស្ថិតនៅភាគខាងត្បូងនៃប្រទេសចិន ។
នៅក្នុងឃ្លីបត្រូវបានថតនៅក្នុងទីក្រុង Pu’er ខេត្ត Yunnan កាលពីថ្ងៃពុធ (២៤ តុលា) បានបង្ហាញឲ្យឃើញសត្វដំរី១ក្បាល បានប្រើប្រម៉ោយរបស់វាលួចយកស្បោងស្រូវ ពីផ្ទះអ្នកភូមិម្នាក់ឈ្មោះ Yang Xuechang ហើយបន្ទាប់មករត់ចូលព្រៃបាត់ស្រមោល ។
ប៉ុន្តែ នៅក្នុងឃ្លីបមួយថ្មីនេះ ដែលត្រូវបានថតនៅថ្ងៃទី២៥ តុលា ក៏បានបង្ហាញដំរី១ក្បាលនេះ ចូលអុកឡុកផ្ទះរបស់ Yang ម្តងទៀត ប៉ុន្តែ ត្រូវបានពួកអ្នកភូមិនាំគ្នាស្រែកដេញវាចេញ ។
ចាប់តាំងពីពេលនោះមក Yang បានយកស្រូវអង្ករទាំងអស់របស់គាត់លាក់ទុក ហើយដំរីនេះក៏លែងយកបានជាលើកទី២នេះ ៕ ដោយ៖ ចន្ទី (Livleak)
