ស្វាយរៀង ៖ នាយឧត្តមសេនី ម៉ឹង សំផន រដ្ឋលេខាធិការក្រសួងការពារជាតិនិងជាប្រធានក្រុមការងារចុះជួយក្រុងបាវិតនិងស្រុកចន្ទ្រាបានធ្វើការជម្រុញដល់ក្រុមការងារនិងសមាជិកបក្សត្រូវយកចិត្តទុកដាក់ចំពោះជីវភាពរស់នៅ ផ្តល់សេវាសាធារណៈជូនដល់ពលរដ្ឋអោយបានល្អប្រសើរបន្ថែមទៀតទាំងសេវាសំណូមពរនិងសេវាតម្រូវការ។
ការថ្លែងរបស់ប្រធានក្រុមការងារបែបនេះបានធ្វើឡើងនៅក្នុងពិធីសំណេះសំណាលជាមួយក្រុមការងារ គណបក្សស្រុកជួយឃុំ ភូមិ ក្រុមប្រឹក្សាឃុំនិងមេភូមិគ្រប់ភូមិនៅស្រុកចន្ទ្រានិងក្រុងបាវិតនៅព្រឹកថ្ងៃទី៩និងទី១០ខែធ្នូឆ្នាំ២០១៧នៅសាលប្រជុំគណបក្សស្រុកចន្ទ្រានិងក្រុងបាវិត។
នាយឧត្តមសេនីយ៍បានបន្តថា មានតែគណបក្សប្រជាជនកម្ពុជាទេ ដែលមិនដែលរត់ចោលប្រជាពលរដ្ឋ គឺតែងតែនៅរួមសុខរួមទុក្ខនៅជាមួលពលរដ្ឋ ឬឯបក្សផ្សេងមិនដែលធ្វើអ្វីសោះ បានតែថាមិនឃើញធ្វើអ្វីនោះទេ គឺតែងតែបង្កអសន្តិសុខ ញុះញង់បំពុលសង្គមហើយ គណបក្សសង្គ្រោះជាតិ ដែលតុលាការរំលាយដោយសារមេបក្សរូបនេះរងការចោទប្រកាន់ក្បត់ជាតិផងដែរ។
នាយឧត្តមសេនីយ៍ ម៉ឹង សំផន បានបន្តទៀតថា ក្នុងរយៈពេល៣៩ឆ្នាំ កន្លងមកនេះ ក្រោមការដឹកនាំរបស់ ប្រមុខរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ជានាយករដ្ឋមន្ត្រី នៃកម្ពុជា និងប្រធានគណបក្សប្រជាជនកម្ពុជា បានដឹកនាំនា វាកម្ពុជា ឲ្យមានការរីកចម្រើនទាំងក្នុងកម្រិតជាតិ និងលើឆាកអន្តរជាតិ ដោយបានផ្តោតសំខាន់ទៅលើវិស័យ៤ ជាអាទិភាពមាន ទឹក ភ្លើង ផ្លូវ និងធនធានមនុស្ស។
ប្រធានក្រុមការងារ គណបក្សប្រជាជនកម្ពុជាចុះជួយស្រុកចន្ទ្រានិងក្រុងបាវិត ក៏បានអំពាវនាវដល់អាជ្ញាធរមូលដ្ឋានស្រុកចន្ទ្រានិងក្រុងបាវិត ត្រូវបន្តធ្វើអំពើល្អជាមួយពលរដ្ឋឲ្យបានកាន់តែបានល្អ ប្រសើរថែមទៀត ព្រមទាំងត្រូវផ្តល់សេវាសាធារណៈផ្សេងៗ ឲ្យបានឆាប់រហ័ស និងផ្សព្វផ្សាយឲ្យបានទូលំទូលាយនូវសេវាមិនបង់ប្រាក់ដូចជា៖ សំបុត្រកំណើត សំបុត្រអាពាហ៍ពិពាហ៍ អត្តសញ្ញាណបណ្ណ សៀវភៅគ្រួសារជាដើម ដើម្បីឲ្យពលរដ្ឋបានដឹងយល់ជ្រួតជ្រាបចៀសវាងមានការថ្នាំងថ្នាក់ណាមួយ។
នាយឧត្តមសេនីយ៍ក៏បានអំពាវនាវដល់អាជ្ញាដែនដីនិងកងកម្លាំងប្រដាប់អាវុធត្រូវការពាររាជរដ្ឋាភិបាលស្របច្បាប់ដែលមានសម្តេចតេជោជាប្រមុខដឹកនាំបានប្រែក្លាយប្រទេសតាំងពីបាតទទេរអោយមានការរីកចម្រើនជាពិសេសនាំមកសុខសន្តិភាពពេញផ្ទៃប្រទេសហើយ ត្រូវការពារសន្តិភាពនេះអោយស្ថិតស្ថេរយូអង្វែងកុំអ្នកណាមកបំផ្លាញបានឡើយ៕ វ៉ៃកូ
