បន្ទាយមានជ័យ ៖ ក្មេងប្រុសម្នាក់អាយុ១៣ឆ្នាំជិះកង់ទៅរៀននៅសាលាវិទ្យាល័យកូបត្រូវបានរថយន្តប្រជែងផ្លូវគ្នាបើកបុកកិនស្លាប់ទាំងព្រលឹមស្ថិតលើដងផ្លូវជាតិលេខ៥ចំនុចភូមិយាងថ្មីឃុំកូបស្រុកអូរជ្រៅ ខេត្តបន្ទាយមានជ័យ ហេតុការណ៍ នៅវេលាម៉ោង៦និង៣០នាទីព្រឹកថ្ងៃទី១១ខែធ្នូឆ្នាំ២០១៧។
តាមសាក្សីនៅកន្លែងកើតហេតុការណ៍បាននិយាយប្រាប់សារពត៌មានថាៈមុនពេលកើតហេតុការណ៍នោះពួកគាតបានឃើញរថយន្ត២គ្រឿងបើកបរប្រជែងលើទ្រូងផ្លូវក្នុងលក្ខណៈល្បឿនលឿនទៅបុកគ្នាហើយប៉ះក្មេងដែលកំពុងជិះកង់ទៅសាលារៀនរថយន្តបុកក្រឡាប់កិនពីលើកុមារាចំណែករថយន្តឡង់គ្រីស័រជ្រល់បុកបង្គោលស្រាបៀរដួលរលំ។
លោកម៉ក់ សាក់ អធិការរងនគរបាលចរាចរណ៍ជើងគោកស្រុកអូរជ្រៅបានឱ្យដឹងថាៈជនរងគ្រោះមានឈ្មោះវិសិដ្ឋ អាយុ១៣ឆ្នាំរស់នៅភូមិយាងថ្មី ឃុំកូប ស្រុកអូរជ្រៅ ខេត្តបន្ទាយមានជ័យ។កុមារា រងគ្រោះដែលកំពុងជិះកង់ទៅសាលារៀននៅវិទ្យាល័យកូប ស្រាប់មានរថយន្ត២គ្រឿងបើកបរប្រជែងស្របទិសលិចទៅកើតបានបុកគ្នាបណ្តាលឲ្យប៉ ហើយកិនក្មេងរហូតដល់ស្លាប់ភ្លាមៗ។រថយន្តបង្កហេតុមានស្លាកលេខ២A៦៨០៧បាត់ដំបង ម៉ាក់ឆ្លាម ពណ៌ស្ករម្ចាស់រត់គេចខ្លួន។រថយន្តបង្កហេតុមួយទៀតប្រភេទឡង់គ្រីស័រពណ៌ឪឡឹកពាក់ស្លាក់លេខប៉ៃលិន២A០១២២ឲ្យបុកកុមារានោះហើយជ្រុលបុកបង្គោលប៉ាយស្រាបៀរដួលរលំ។
លោកម៉ក់សាក់បានបន្តថាៈជនរងគ្រោះឈ្មោះវិសិដ្ឋ ក្រោយកើតហេតុរថយន្តសង្គ្រោះបានដឹកយកទៅមន្ទីរពេទ្យដល់កណ្តាលក៏ដាច់ខ្យល់ស្លាប់។សាកសពជនរងគ្រោះបានប្រគល់ក្រុមគ្រួសារយកទៅធ្វើបុណ្យចំពោះរថយន្តបង្កទាំង២គ្រឿងអូសយកទុកនៅអធិការនគរបាលស្រុកអូរជ្រៅរងចាំម្ចាស់ចូលមកដោះស្រាយ៕ បន្ទាយ
