ភ្នំពេញ ៖ ស្ថានទូតអាមេរិកប្រចាំនៅរាជធានីភ្នំពេញ បានប្រកាសថា ការបង្ហោះព័ត៌មានមួយចំនួន និងរូបភាពថ្មីៗនៅលើបណ្តាញទំនាក់ទំនងសង្គម Facebook នេះត្រូវផ្អាកបណ្តោះអាសន្ន រហូតទាល់តែមានកិច្ចដំណើរការការងារមានភាពពេញលេញឡើងវិញ។
តាមរយៈ Facebook នៅថ្ងៃទី២៧ខែធ្នូនេះ ស្ថានទូតអាមេរិកប្រចាំកម្ពុជាបានបង្ហាញខ្លឹមសារយ៉ាងដូច្នេះថា៖ “ដោយសារមានបញ្ហានៅក្នុងការកំណត់ការបែងចែកថវិកាសំរាប់ចំណាយក្នុងរដ្ឋាភិបាលសហរដ្ឋអាមេរិក គណនេយ្យនេះនឹងមិនមានបង្ហោះខ្លឹមសារ និងរូបភាពថ្មីៗទៀងទាត់ទេ រហូតទាល់តែកិច្ចដំណើរការការងារមានភាពពេញលេញឡើងវិញ ដោយលើកលែងតែករណីព័ត៌មានបន្ទាន់ទាក់ទងនឹងសុវត្ថិភាព និងសន្តិសុខ។ សេវាទាក់ទងនឹងលិខិតឆ្លងដែន និងទិដ្ឋាការទាំងអស់ដែលបានកំណត់ពេលរួចហើយ នៅស្ថានទូតអាមេរិក នៅភ្នំពេញ នឹងបន្តធ្វើដដែល។ ចំពោះព័ត៌មានស្តីពីសេវា និងកិច្ចដំណើរការការងាររបស់យើង។
ដោយសារមានការមិនយល់ស្របគ្នាលើការអនុម័តលើការចាយវាយថវិការបស់រដ្ឋាភិបាលសហព័ន្ធនៅសហរដ្ឋអាមេរិក ទំព័រហ្វេសបុករបស់ស្ថានទូតនឹងគ្មានការចុះព័ត៌មានថ្មីៗ ដូចធម្មតាទេ។ ចំពោះព័ត៌មានថ្មីៗ សូមចូលមើលគេហទំព័ររបស់ក្រសួងការបរទេសសហរដ្ឋអាមេរិក។ ប្រតិបត្តិការផ្នែកកុងស៊ុល រួមទាំងការសំភាសន៍ទិដ្ឋាការ ការធ្វើលិខិតឆ្លងដែន និងសេវាបំរើពលរដ្ឋអាមេរិក នៅបន្តជាធម្មតា នៅស្ថានទូតអាមេរិក។ ចំពោះព័ត៌មានថ្មីៗស្តីពីសេវាទិដ្ឋាការ សូមចូលមើលគេហទំព័រ http://ow.ly/guCz50jZWCH ។ ចំពោះព័ត៌មានស្តីពីសេវាសំរាប់ជនជាតិអាមេរិក សូមចូលមើលគេហទំព័រ http://ow.ly/ExTl50jZWCK “៕ ដោយ ៖ កូឡាប