បុរសម្នាក់បានត្រូវឧទ្ធម្ភាចក្រធ្លាក់ចំ ហើយសង្កត់ស្លាប់ខណៈពេលគាត់កំពុងដើរតាមផ្លូវអមឆ្នេរសមុទ្រ Vbatula ភាគខាងត្បូងប្រទេសប្រេស៊ីល ។
បុរសអភ័ព្វ Alessandro Correia Leite
តាម Daily Mail ជនរងគ្រោះឈ្មោះ Alessandro Correia Leite អាយុ ៤២ឆ្នាំ ។ រីឯឧទ្ធម្ភាចក្របានធ្លាក់ពេលវាកំពុងដឹកប្តីប្រពន្ធ១គូ គយគន់ទេសភាពពីលើអាកាស ។ អ្នកទាំងពីរ ព្រមទាំងពីឡុត គ្រាន់តែរងរបួសស្រាលប៉ុណ្ណោះ ។
ប៉ូលិសឲ្យដឹងថា យន្តហោះបានធ្លាក់ចុះមិនយូរប៉ុន្មាន ក្រោយពេលហោះហើរឡើង ។ បុរសជាឪពុកពោលទាំងទឹកភ្នែកថា ៖ ខ្ញុំទើបផឹកកាហ្វេជាមួយវា មុនពេលវា…ស្លាប់! ។
បច្ចុប្បន្នប៉ូលិសកំពុងបើកការស៊ើបអង្កេត រកមូលហេតុនៃការធ្លាក់ ៕ ចន្ទ្រា