បុរសសញ្ជាតិចិនម្នាក់ ទើបស្ទូចបានត្រីក្រហម ដ៏ធំសម្បើមពុំធ្លាប់មានអំឡុង ៥០ឆ្នាំមកហើយ នៅបឹង Danjiangku ខេត្ត Hebei។
តាម Sina បុរសម្នាក់ទើបស្ទូចបានត្រីក្រហមយ៉ាងធំរស់នៅបរិស្ថានធម្មជាតិក្នុងបឹង Danjianku ខេត្ត Hebei។
បើតាមសម្តីរបស់បុរសចិនរូបនេះ ដើម្បីស្ទូចបានត្រីនេះ លោកពិតជាលំបាកលំបិនមែនទែន ព្រោះវាកន្ត្រាក់យ៉ាងខ្លាំង ដើម្បីរំដោះខ្លួន។
មនុស្សជាច្រើនពិតជាពុំដែលឃើញត្រីក្រហមធំយ៉ាងនេះ ប៉ុន្តែដោយមានបទពិសោធន៍ស្ទូចត្រីយូរឆ្នាំ លោកបានក្រសោបយកវាបាន។
ពលរដ្ឋវ័យចំណាស់ម្នាក់នៅតំបន់បឹងនេះនិយាយថា ជាងកន្លះសតវត្សរ៍មកហើយពុំដែលមានអ្នកណាស្ទូចបានត្រីធំយ៉ាងនេះទេ។
គេហទំព័រ Sina លើកឡើងថា ពុំទាន់ដឹងថា ម្ចាស់ “ជ័យលាភី” នេះយកវាទៅលក់ ឬទុកបរិភោគ៕ ចន្ទ្រា