ខេត្តស្វាយរៀង ៖ យ៉ាងហោចណាស់ស្ត្រីម្នាក់ និងកូនខ្ចី២នាក់ បានស្លាប់ក្រោមរថយន្តនិងប្តីរងរបួសធ្ងន់សង្ឃឹមតិចតួចខ្លាំងណាស់ ក្នុងករណីគ្រោះថ្នាក់ចរាចរណ៍ដ៏អាក្រក់មួយដោយសាររថយន្តយីឌុបរ៉េចង្កូតបុកចូលផ្ទះក្រឡាប់សង្កត់ពី៤នាក់ប្តីប្រពន្ធកូនខ្ទេចមើលគួអោយរន្ធត់។
ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោងប្រហែល៣ទៀបភ្លឺថ្ងៃទី១០ខែមីនាឆ្នាំ២០១៩នេះនៅជាប់ផ្លូវជាតិលេខ១ត្រង់ចំណុចភូមិ ត្របែកប្រហោង ឃុំ តាសួស ស្រុក ស្វាយជ្រំ ខេត្ត ស្វាយរៀង។
យោងតាមសមត្ថកិច្ចបានឲ្យដឹងថា៖ករណីគ្រោះថ្នាក់ចរាចរណ៍នេះគឺមកពីតៃកុរថយន្តងងុយដេកទើបរ៉េចង្កូតបុកផ្ទះពលរដ្ឋនិងក្រឡាប់សង្កត់ពីលើម្ចាស់ផ្ទះទាំង៤នាក់តែម្តងដែលក្នុងហេតុការណ៍នោះប្តីនៅមានដង្ហើមប៉ុន្តែសង្ឃឹមតិចតួចខ្លាំងណាស់ចំណែកប្រពន្ធកូនគឺបានស្លាប់ទាំង៣នាក់ក្រោមរថយន្ត។
ជនរងគ្រោះដែលជាម្ចាស់ផ្ទះមានឈ្មោះ នាង សុផាន់តារ៉ា ភេទប្រុស អាយុ៤០ឆ្នាំមុខរបរជួសជុល មានប្រពន្ធឈ្មោះ សាក់ វណ្ណា អាយុ២៨ឆ្នាំ ទើបតែសម្រាលកូនបាន២ខែប៉ុណ្ណោះ ចំណែកកូនទាំង២នាក់នោះទី១.មានឈ្មោះ ស្តើង ភារ៉ុន ភេទប្រុស អាយុ២ឆ្នាំ ។ ទី២.ឈ្មោះ ស្តើង ផារិន ភេទប្រុស អាយុ២ខែ។
សមត្ថកិច្ចបានបន្តទៀតថា៖ក្រោយពីបង្កគ្រោះថ្នាក់និងបណ្តាលឲ្យមនុស្សដ៏គួឲ្យរន្ធត់នេះមកអ្នកបើរថយន្តចុះថង់គេចខ្លួនបាត់ស្រមោលហើយសមត្ថកិច្ចកំពុងស្ទួចរថយន្តយកមករក្សារនៅអធិការស្រុកស្វាយជ្រំរងចាំម្ចាស់ចូលខ្លួនមកដោះស្រាយ៕ ដោយ ៖ វ៉ៃកូ
