ខេត្តស្វាយរៀង ៖ សំឡេងផ្ទុះគ្រាប់បែកមួយគ្រាប់ផ្អើលអស់អ្នកស្រុកនិងសមត្ថកិច្ចចុះមកពិនិត្យ ដោយជនរងគ្រោះ២នាក់យាយនិងចៅរុករេីការ៉ុងអេតចាយនិងសង្ស័យដំចំគ្រាប់បែកយកទៅលក់ឱ្យអេតចាយ បណ្តាលអោយផ្ទុះគ្រាប់បែកស្លាប់ទាំង២នាក់តែម្តង។ករណីផ្ទុះគ្រាប់បែកខាងលើនេះបានកើតឡើងកាលពីវេលាម៉ោង៩និង៣៥ព្រឹក ថ្ងៃទី១០ ខែមិថុនា ឆ្នាំ២០១៩ ស្ថិតនៅក្នុងភូមិ សំបួរ ឃុំសំបួរ ស្រុកស្វាយទាប ខេត្តស្វាយរៀង ។
យោងតាមសមត្ថកិច្ចបានអោយដឹងថា ៖ ករណីផ្ទុះគ្រាប់បែកបណ្តាលអោយស្លាប់បាត់បង់ជីវិតមនុស្សចំនួន២នាក់យាយនិងចៅអាចនៅកន្លែងកេីតហេតុខាងកើតផ្ទះរបស់ជនរងគ្រោះចំងាយប្រហែល១០ម៉ែត្រជាប់និងជង្រុកស្រូវ។
ប្រភពបានបន្តទៀតថា ៖ ជនរងគ្រោះទាំង២នាក់ ទី១.មានឈ្មោះ ផង់ សុភី ភេទស្រី អាយុ៦៥ឆ្នាំ មុខរបរកសិករ ត្រូវជាយាយ និងឈ្មោះ ឃួន បញ្ញា ភេទប្រុស អាយុ 10ឆ្នាំ ត្រូវជាចៅ មានទីលំនៅកន្លែងកេីតខាងលេី ។
តាមប្រភពពីពលរដ្ឋក៏ដូចសាច់ញាតិជនរងគ្រោះបានអោយដឹងថា ៖ នៅវេលាកើតហេតុខាងលើ គេឃើញជនរងគ្រោះជាមួយចៅបានរើសអេតចាយលក់អោយទៅអ្នកទិញអេតចាយម្តងរួចទៅហើយ តែមិនបានដឹងថា រូបគាត់រុករកដែកអេតចាយលក់ទៀតឬអត់នោះទេ ព្រោះនៅកន្លែងកើតមានដែក២ដើមប្រវែងមួយតឹកនិងហឹបឈើមួយបើកកំរបអាចសង្ស័យថា គាត់យកគ្រាប់បែកចេញពីហឹបយកមកដំ ទើបបណ្តាលអោយផ្ទុះស្លាប់ទាំង២នាក់យាយចៅសភាពសពគឺធ្លុះសុះសាច់ទាំង២នាក់។
ប្រភពបានបន្ថែមទៀតថា៖ប្រវត្តិគ្រាប់ដែលផ្ទុះនោះគឺកាលប្តីរបស់ជនរងគ្រោះកាលនៅរស់មិនដឹងថាយកមកពីណានោះដែរគឺប្តីគាត់យកមកទុកនៅផ្ទះជាយូរឆ្នាំណាស់មកហើយប៉ុន្តែមិនថាប្តីរបស់គាត់ទុកនៅកន្លែងណានោះដែរក្រោយពីប្តីគាត់បានស្លាប់អស់រយៈពេលជាងមួយខែរហូតមកដល់ថ្ងៃកើតនេះស្រាប់ជនរងគ្រោះផ្ទុះស្លាប់២នាក់ប្រុសតែម្តងដោយកូនចៅគេទៅធ្វើការនៅរោងចក្រនិងទៅរៀនអស់។
ចំពោះមូលហេតុនៃគ្រោះថ្នាក់ខាងលើនេះគេដាក់ការសង្ស័យ រុករេីការ៉ុងអេតចាយដំគ្រាប់បែកក្រសាំងយកទៅលក់ឱ្យអេតចាយ បណ្តាលអោយផ្ទុះគ្រាប់បែកតែម្តង។ ក្រោយពីកើតហេតុសមត្ថកិច្ចចុះមកពិនិត្យសពនៅកន្លែងកើតហេតុនិងប្រគល់សពអោយក្រុមគ្រួសារយកធ្វើបុណ្យតាមប្រពៃណី ៕ ដោយ ៖ វ៉ៃកូ
