កម្មករកូរ៉េខាងជើងនៅក្នុងប្រទេសសចិន បានបង្ខំចិត្តត្រឡប់ទៅផ្ទះវិញ ក្រោយពេលចិនអនុវត្តទណ្ឌកម្មដ៏តឹងរឹងប្រឆាំងនឹងទីក្រុងព្យុងយ៉ាង ជុំវិញការបាញ់សាកល្បងអាវុធនុយក្លេអ៊ែរកាលពីខែមុនរបស់របបនេះ។
បើតាមប្រភពនៅក្នុងទីក្រុងប៉េងកាំងថ្លែងប្រាប់សារព័ត៌មានកូរ៉េខាងត្បូង (Yonhap) បានឲ្យដឹងថា ចំនួនប្រជាជនកូរ៉េខាងជើងយ៉ាងច្រើនត្រូវបានគេសង្កេតឃើញថា បានចាកចេញពីប្រទេសចិន ដោយសារតែពួកគេមិនទទួលបានការពន្យាទិដ្ឋាការ។
កាលពីថ្ងៃទី ១២ ខែកញ្ញាកន្លងទៅ ទីក្រុងប៉េងកាំងបានបញ្ជាមិនឲ្យមានការពន្យារទិដ្ឋាការ និងចេញទិដ្ឋាការថ្មីសំរាប់ប្រជាជនកូរ៉េខាងជើងទៀតទេ ហើយនៅចុងខែកញ្ញាផងដែរ ប្រទេសចិនក៏បានប្រកាសប្រាប់ដល់ក្រុមហ៊ុនកូរ៉េខាងជើងទាំងអស់ក្នុងប្រទេសចិនឲ្យបិទក្រុមហ៊ុនរបស់ខ្លួនក្នុងរយៈពេល ១២០ថ្ងៃ។
កាលពីដើមឆ្នាំ មានប្រជាជនកូរ៉េខាងច្រើនជាង ២០.០០០នាក់បានធ្វើការក្នុងតំបន់ Dandong ប៉ុន្តែចំនួននេះបានថយចុះយ៉ាងខ្លាំង ក្រោយពេលចិនរឹងបន្តឹងទណ្ឌកម្មប្រឆាំងនឹងកូរ៉េខាងជើង។ នេះបើតាមការបញ្ជាក់របស់ប្រភពដដែល។
ប្រជាជនកូរ៉េខាងជើងប្រហែល ១សែននាក់ ត្រូវបានគេជឿជាក់ កូរ៉េខាងជើងបញ្ជូនឲ្យទៅធ្វើការនៅខាងក្រៅប្រទេសដើម្បីរកចំណូល ដែលមានប្រមាណ ៥០០លានដុល្លារក្នុងមួយឆ្នាំ៕ Volleyball Shoes