កំពង់ត្រឡាច: គ្រោះថ្នាក់ចរាចរ កើតឡើងរវាងម៉ូតូនិងម៉ូតូ ក្នុងទិសដៅបញ្រ្ចាសគ្នា បណ្តាលឲ្យស្លាប់ម្នាក់ និងរងរបួសមនុស្ស ៣នាក់ប្រុស ធ្ងន់ ២នាក់ ខូចខាតម៉ូតូ ២គ្រឿង ធ្ងន់ ១ គ្រឿង ហើយវត្ថុតាងត្រូវបាន យកមករក្សាទុកនៅអធិការដ្ឋាន នគរបាលស្រុកកំពង់ត្រឡាច។
នគរបាលមូលដ្ឋាន ស្រុកកំពង់ត្រឡាច បានឲ្យដឹងថា នៅថ្ងៃអាទិត្យទី៧ ខែ កក្កដា ឆ្នាំ ២០១៩ វេលាម៉ោង ១១:៣០ នាទីនៅចំណុចផ្លូវខេត្តលេខ 150B ភូមិស្នាយ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង មានករណីគ្រោះថ្នាក់ចរាចរមួយកើតឡើងរវាងម៉ូតូម៉ាក EXCITER C150 ពណ៌ស គ្មានផ្លាកលេខ បើកបរដោយឈ្មោះ ក្រីម អាយយ៉ូត ភេទ ប្រុស អាយុ ២០ ឆ្នាំ ជនជាតិ ចាម រស់នៅភូមិទួល ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ដោយមានអ្នករួមដំណើរ ២នាក់:
១-ឈ្មោះ សា រ៉ហ៊ាន ភេទ ប្រុស អាយុ ៣០ ឆ្នាំ ជនជាតិ ចាម រស់នៅភូមិទួល ឃុំឈូកស ស្រុកកំពង់ត្រឡាច ខេត្តកំពង់ឆ្នាំង។ ២-ឈ្មោះ លី កា ភេទ ប្រុស អាយុ ០៣ ឆ្នាំ ជនជាតិចាម រស់នៅភូមិទួល ឃុំឈូកស ស្រុកកំពង់ត្រឡាច ខេត្តកំពង់ឆ្នាំង។
បើកបរចេញពីទិសខាងកើតឆ្ពោះទៅទិស ខាងលិច ក៏បានបុកជាមួយម៉ូតូ ១ គ្រឿងម៉ាក HONDA C125 ពណ៌ខ្មៅ ពាក់ផ្លាកលេខ ភ្នំពេញ 1CN-6012 បើកបរដោយឈ្មោះ ជ័រ ស្រួយ ភេទ ប្រុស អាយុ ៣៤ ឆ្នាំ ជនជាតិខ្មែរ រស់នៅភូមិស្នាយ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង។ បើកបរចេញពីទិសខាងកើតឆ្ពោះទៅទិសខាងលិច ក្នុងដំណើរស្របទិសគ្នា បណ្តាលឲ្យ ស្លាប់មនុស្ស ១នាក់ប្រុស (អ្នកបើកបរម៉ូតូម៉ាក HONDA C125) រងរបួសមនុស្ស ៣នាក់ប្រុស ធ្ងន់ ២នាក់ ខូចខាតម៉ូតូ ២គ្រឿង ធ្ងន់ ១ គ្រឿង ត្រូវបាន យកមករក្សាទុកនៅអធិការដ្ឋាន នគរបាលស្រុកកំពង់ត្រឡាច៕ ដោយ៖កូឡាប
