ភ្នំពេញ៖ មានមនុស្សចំនួន១៧៨០នាក់ស្លាប់ និងរបួស៥៥៣៩នាក់ដោយសារគ្រោះថ្នាក់ចរាចរណ៍ទូទាំងប្រទេសនិងបណ្ដាលឱ្យខូចខាតទ្រព្យសម្បត្តិរាប់រយលានដុល្លារក្នុងឆ្នាំ២០១៧។បើទោះបីកន្លងមកប្រមុខរាជរដ្ឋាភិបាលសម្ដេចតេជោបានដាក់ពាក្យស្លោកមួយថា ៖ ថ្ងៃនេះថ្ងៃស្អែក កុំឱ្យមានគ្រោះថ្នាក់ចរាចរណ៍។ ក្នុងនោះមានពាក្យស្លោកមួយទៀតស្រវឹងកុំបើកបរឬផឹកស្រាត្រូវមានការទទួលខុសត្រូវក្ដីក៏គ្រោះថ្នាក់ចរាចរណ៍នៅតែកើតមានដដែលធ្វើឱ្យក្រុមគ្រួសារមួយចំនួនបាត់បង់មេគ្រួសារ បាត់បងអ្នកដែលជាទីស្រឡាញ់ឬក្លាយខ្លួនជាជនពិការធ្វើឱ្យគ្រួសារបាត់ចំណូលសម្រាប់ចិញ្ចឹមគ្រួសារ។
ក្នុងរបាយការណ៍បានបញ្ជាក់ថា៖គ្រោះថ្នាក់ចរាចរណ៍ទូទាំងប្រទេសកម្ពុជាពេញ១ឆ្នាំ២០១៧កន្លងមកទៅកើតឡើងចំនួន៣៥៣១ករណី បើធៀបនឹងឆ្នាំ២០១៦ធ្លាក់ចុះ១៦៩ករណីក្នុងនោះ បណ្ដាលឱ្យមនុស្សស្លាប់ចំនួន១៧៨០នាក់ កើនឡើង៦៣នាក់ និងអ្នករបួសចំនួន៥៥៣៩នាក់ ធ្លាក់ចុះ១,០៦៨នាក់ បើធៀបនឹងឆ្នាំ២០១៦។ នេះយោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី១ ខែមករា ឆ្នាំ២០១៨នេះ។
មន្ត្រីនគរបាលក្រសួងមហាផ្ទៃម្នាក់បានឱ្យដឹងថា៖ជាក់ស្ដែងពេញ១ឆ្នាំ២០១៧នោះករណីគ្រោះថ្នាក់ចរាចរណ៍កើតឡើងបណ្ដាលឱ្យមនុស្សស្លាប់និងរងរបួសនោះទី១៖ នៅរាជធានីភ្នំពេញ កើតឡើងគ្រោះថ្នាក់ចរាចរណ៍ ចំនួន៤៤៨ករណីស្លាប់១៦៨នាក់ និងរបួស៦០០នាក់ទី២៖ នៅខេត្តបន្ទាយមានជ័យ ២០៧ករណី ស្លាប់១០៩នាក់ និង របួស២៩៧នាក់ទី៣៖ នៅខេត្តបាត់ដំបង ១៨៧ករណី ស្លាប់៩៧នាក់ និងរបួស២៦៩នាក់ទី៤៖ នៅខេត្តកំពង់ចាម ១៨៧ករីណ ស្លាប់៩០នាក់ និងរបួស៣០៦នាក់ ទី៥៖ នៅខេត្តកំពង់ឆ្នាំង ៨៣ករណី ស្លាប់៤៦នាក់ និងរបួស១៣៣នាក់ ទី៦៖ នៅខេត្តកំពង់ស្ពឺ ១៥១ករណី ស្លាប់១២០នាក់ និងរបួស២៦៦នាក់ ទី៧៖នៅខេត្តកំពង់ធំ ១៨២ករណី ស្លាប់១២៤នាក់ និងរបួស២៣០នាក់ ទី៨៖ នៅខេត្តកំពត ១៦៨ករណី ស្លាប់៨៦នាក់ និងរបួស២៤៦នាក់ ទី៩៖ នៅខេត្តកណ្តាល ២២១ករណី ស្លាប់១៦០នាក់ និងរបួស២៩៨នាក់ទី១០៖ នៅខេត្តកោះកុង ៥៨ករណី ស្លាប់២៥នាក់ និងរបួស៩២នាក់ ទី១១៖ នៅខេត្តក្រចេះ ១៧៤ករណី ស្លាប់៦៨នាក់ និងរបួស២៧៣នាក់ ទី១២៖ នៅខេត្តមណ្ឌលគិរី ៤៤ករណី ស្លាប់១៧នាក់ និងរបួស៨៨នាក់ទី១៣៖ នៅខេត្តព្រះវិហារ ១០៨ករណី ស្លាប់៥៤នាក់ និងរបួស១៥៧នាក់ ទី១៤៖នៅខេត្តព្រៃវែង ៩៩ករណី ស្លាប់៨៤នាក់ និងរបួស១១៤នាក់
ទី១៥៖ នៅខេត្តពោធិ៍សាត់ ២៤៧ករណី ស្លាប់៨៣នាក់ និងរបួស៤២៥នាក់ ទី១៦៖ នៅខេត្តរតនគិរី ៧៥ករណី ស្លាប់៣១នាក់ និងរបួស១៣៧នាក់ ទី១៧៖ នៅខេត្តសៀមរាប ៨៣ករណី ស្លាប់៦៧នាក់ និងរបួស១៣១នាក់ ទី១៨៖ នៅខេត្តព្រះសីហនុ ១៩៧ករណី ស្លាប់៧៨នាក់ និងរបួស២៨២នាក់ ទី១៩៖ នៅខេត្តស្ទឹងត្រែង ៩៣ករណី ស្លាប់៣៥នាក់ និងរបួស១៤៩នាក់ ទី២០៖នៅខេត្តស្វាយរៀង ១៦១ករណី ស្លាប់៥៥នាក់ និងរបួស២៨៨នាក់ទី២១៖ នៅខេត្តតាកែវ ១១៩ករណី ស្លាប់៩០នាក់ និងរបួស៣០៨នាក់ ទី២២៖ នៅខេត្តឧត្តរមានជ័យ ៤២ករណី ស្លាប់១៧នាក់ និងរបួស៨៩នាក់ ទី២៣៖ នៅខេត្តកែប ៨២ករណី ស្លាប់១៣នាក់ និងរបួស១៤៤នាក់ ទី២៤៖ នៅខេត្តប៉ៃលិន ៥៨ករណី ស្លាប់១៨នាក់ និងរបួស១១៩នាក់ ទី២៥៖នៅខេត្តត្បូងឃ្មុំ ៥៧ករណី ស្លាប់៤៥នាក់ និងរបួស៩៨នាក់៕ ដោយ៖កូឡាប
