នៅក្នុងមហាសាគរដ៏ធំធេងមានសភាវជាច្រើនដែលរស់នៅក្នុងនោះ ហើយរវាងពួកវាតែងប្រជែងគ្នាតាមទម្លាប់ត្រីធំស៊ីត្រីតូច។
ខុសប្លែកអីតែត្រីឆ្លាមដំរីដ៏ឆ្លាតវៃមួយនេះ វាពុំទៅប្រជែងរស់ជាមួយនឹងសត្វដទៃ ដោយវាតែងតែអំណត់រង់ចាំរាល់ពេលដែលប្រជានេសាទចាប់ផ្តើមទាញសំណាញ់ឡើង វាស្ទុះទៅបឺតយកពពួកត្រីតូចៗពីសំណាញ់នោះមកធ្វើជាអាហារជាការស្រេច។
ថ្មីៗនេះ Conservation International បានចែករំលែកខ្សែវីដេអូផ្តិតយករូបភាពត្រីឆ្លាមដំរី ចេះប្រើប្រាស់ពេលវេលាដែលប្រជានេសាទទាញសំណាញ់ឡើងក៏ស្ទុះទៅបឺតស្រូបយកអាហារដែលគេវេចខ្ចប់ទុកជាស្រេច៕ អាទិត្យ