ខេត្តស្វាយរៀង៖ បុរសម្នាក់បានស្លាប់ភ្លាមៗនៅហ្នឹងកន្លែងកើតហេតុ ដោយសារគ្រោះថ្នាក់ចរាចរណ៍មួយ រវាងម៉ូតូនិងរថយន្តដឹកគ្រឿងចក្រ ដែលហេតុការណ៍ខាងលើនេះ បានកើតឡើងកាលពីវេលាម៉ោង៥និង៣៦នាទីល្ងាច នៅថ្ងៃទី២៩ ខែមីនា ឆ្នាំ២០២០ នៅលើផ្លូវអេឌីប៊ីក្រាលកៅស៊ូចំណុចភូមិរំដេញ ឃុំឈើទាល ស្រុកស្វាយជ្រំ ខេត្តស្វាយរៀង។ រថយន្តនិងម៉ូតូ បើកស្របទិសគ្នា ពីត្បូងទៅទិសខាងជើង។
សមត្ថកិច្ចបានឱ្យដឹងថាៈ រថយន្តម៉ាកហ៊ីយាន់ដាយ បើកបរដោយឈ្មោះយ៉ុន ប្រុស ភេទប្រុស អាយុ២៦ឆ្នាំ រស់នៅភូមិពានមាសខាងលិច ឃុំរំពុង ស្រុកបាទី ខេត្តតាកែវ។ ដោយឡែកម៉ូតូ ម៉ាកវ៉េវ ស៊េរី២០១៣ ពណ៌ខ្មៅ ពាក់ផ្លាកលេខ ១i 9311 ព.វ បើកបរដោយឈ្មោះមាង មាស ភេទប្រុស អាយុ៤០ឆ្នាំ រស់នៅភូមិពោន ឃុំច្រេស ស្រុកមេសាង ខេត្តព្រៃវែង មុខរបដើរទិញជ្រូក (ស្លាប់កន្លែងកើតហេតុ)។
មូលហេតុ ម៉ូតូបើកវ៉ាជែងក្នុងស្ថានភាពគ្រោះថ្នាក់ (ទាក់នឹងរ៉ាល់ដឹកជ្រូក ដួលចូលកង់រថយន្ត)។ រីឯរថយន្តរក្សាទុកនៅ អធិការដ្ឋាននគរបាលស្រុកស្វាយជ្រំ ចំណែកសាកសព បានប្រគល់ឱ្យក្រុមគ្រួសារ យកទៅធ្វើបុណ្យតាមប្រពៃណី៕ដោយ៖ វ៉ៃកូ
