ឆ្នាំជូត ៖ រាសីល្អមធ្យម។ ការងារ ត្រូវប្រុងប្រយ័ត្ន ក្នុងការនិយាយស្តី ត្រូវចៀសវាងបង្កឱកាសឲ្យគូសត្រូវយកប្រៀបលើ។ ចង់វិនិយោគ ត្រូវសិក្សាស្វែងយល់កុំធ្វើតាមការអូសទាញរបស់អ្នកដទៃ។ មនោសញ្ចេតនា ប្រសិនបានតាំងចិត្តតាមស្រឡាញ់គេឲ្យបាន នោះអ្នកត្រូវចំណាយពេលវេលា និងលុយកាក់ ទើបសង្ឃឹមមានលទ្ធផលដូចចិត្ត។ ទិសនាំលាភ ទិសអាគ្នេយ៍ តំណមទិសខាងលិច។ ពណ៌នាំសំណាងពណ៌ក្រហម។ អ្នកយកអាសាឆ្នាំជូត៕
ឆ្នាំឆ្លូវ ៖ រាសីឡើងខ្ពស់។ ការងាររីកចម្រើនល្អប្រសើរ ជួបការលំបាករមែងមានអ្នកជួយយកអាសា។ លុយកាក់មានចាយបរិបូរណ៍ ចំណូលចូលមិនដាច់។ មនោសញ្ចេតនា ប្រសិនបានជួបមនុស្សដែលខ្លួនពេញចិត្ត នោះគួរម្ចាស់ការបង្ហាញទឹកចិត្តឲ្យគេដឹង។ ទិសនាំលាភទិសពាយ័ព្យ តំណមទិសខាងត្បូង។ ពណនាំសំណាង ពណ៌ខៀវ ស។ អ្នកយកអាសារឆ្នាំកុរ៕
ឆ្នាំខាល ៖ រាសីស្រុតចុះ។ ការងារ ត្រូវត្រៀមស្មារតី ព្រោះថ្ងៃនេះអ្នកអាចត្រូវប្រឈមមុខជាមួយការលំបាកច្រើន និងសំណូមពរខ្ពស់ពីដៃគូសហការ។ ថ្ងៃនេះបើជាអ្នករកស៊ីនោះគួរតាមដាន ឲ្យជាប់ការប្រែប្រួល និងព័ត៌មានទីផ្សារ នឹងមានប្រយោជន៍សម្រាប់មុខរបររបស់អ្នក។ មនោសញ្ចេតនា អ្នកនៅលីវមានឱកាសបាននៅក្បែរមនុស្សដែលខ្លួនពេញចិត្តតាំងពីយូរតែដោយសារខ្វះជំនឿចិត្តលើខ្លួនឯង ហេតុនេះពុំទាន់ឈានដល់ភាពស្និទ្ធស្នាលនឹងគ្នាបាន។ ទិសនាំលាភទិសខាងលិច តំណមទិសខាងអាគ្នេយ៍។ ពណ៌នាំសំណាងពណ៌ស។ អ្នកយកអាសាឆ្នាំចរ៕
ឆ្នាំថោះ រាសីស្រុតចុះ។ ការងារ ពុំទាន់សម្រេចបានតាមបំណងប្រាថ្នា ត្រូវការពេលវេលាច្រើនទៀត ចូរអត់ធ្មត់អ្នកនឹងបានជោគជ័យ។ ថ្ងៃនេះត្រូវប្រយ័ត្នប្រយែងក្នុងរាល់ទំនាក់ទំនងលុយកាក់ ពុំមានឱកាសវិនិយោគ ដូច្នេះមិនគួរមានមហិច្ឆតា។ មនោសញ្ចេតនាពុំទាន់បានផលល្អ ត្រូវបន្តប្រឹងប្រែងបង្ហាញភាពស្មោះស្ម័គ្រឲ្យដៃគូឃើញច្បាស់។ ទិសនាំលាភទិសពាយ័ព្យ តំណមទិសអាគ្នេយ៍។ ពណ៌នាំសំណាង ពណ៌ស។ អ្នកយកអាសាឆ្នាំចរ៕
ឆ្នាំរោង ៖ រាសីឡើងខ្ពស់។ ការងារ ការព្យាយាម ម្ចាស់ការជួយឲ្យអ្នកដោះស្រាយរឿងគ្រប់យ៉ាងបានរហ័ស និងជោគជ័យ។ ថ្ងៃនេះមានឱកាសល្អច្រើន ដើម្បីបង្កើនចំណូល ត្រូវចាប់យកឲ្យបាន។ មនោញ្ចេតនា អ្នកនៅលីវអាចជួបមនុស្សដែលខ្លួនស្រឡាញ់ពេញចិត្ត អ្នកទាំង២ និយាយគ្នាចុះសម្រុងល្អ។ ទិសនាំលាភទិសនិរតី តំណមទិសអាគ្នេយ៍។ ពណ៌នាំសំណាងពណ៌ស។ អ្នកយកអាសាឆ្នាំវក៕
ឆ្នាំម្សាញ់ ៖ រាសីស្រុតចុះ។ ការងារ រាល់ពេលមានការប្រែប្រួលម្តងៗធ្វើឲ្យអ្នកមានអារម្មណ៍តានតឹង មិនស្ងប់ចិត្ត ចូរតាំងស្មារតីបញ្ចៀសឲ្យបានភាពអសកម្ម។ ថ្ងៃនេះមិនសមស្របសម្រាប់ការធ្វើជំនួញ។ មនោសញ្ចេតនា ពិបាកទទួលបានលទ្ធផលដូចបំណង។ ទិសនាំលាភទិសខាងកើត តំណមទិសខាងជើង។ ពណ៌នាំសំណាងពណ៌ស។ អ្នកយកអាសាឆ្នាំរកា៕
ឆ្នាំមមី ៖ រាសីស្រុតចុះ។ ការងារ រាល់ផែនការសុទ្ធតែមិនបានងាយស្រួលដូចការគ្រោងទុក ការលំបាកពុំមានអ្នកជួយ ចង់ឆ្លងផុតអ្នកត្រូវនឹងនរ សុទិដ្ឋិនិយម។ ហិរញ្ញវត្ថុមិនល្អប្រសើរ ចំណាយច្រើនពេក ក្នុងពេលចំណូលមានកម្រិត។ មនោសញ្ចេតនា ស្រឡាញ់គ្នាត្រូវចេះអត់ឱនអធ្យាស្រ័យ ទើបអាចនៅក្បែរគ្នាបានយូរអង្វែង។ ទិសនាំលាភទិសឦសាន តំណមទិសខាងពាយ័ព្យ។ ពណ៌នាំសំណាង ពណ៌ស។ អ្នកយកអាសាឆ្នាំខាល៕
ឆ្នាំមមែ ៖ រាសីល្អមធ្យម។ ការងារ ត្រូវកសាង និងរក្សាបរិយាកាសស្និទ្ធស្នាល ក្នុងរាល់ទំនាក់ទំនង ចៀសវាងទំនាស់បង្កផលអាក្រក់ដល់ខ្លួនឯង។ រក្សាលុយកាក់ឲ្យមធ្យ័ត កំហិតការចាយវាយ។ មនោសញ្ចេតនា ត្រូវលៃទុកពេលវេលាសម្រាប់គ្នាឲ្យបានច្រើន នោះទើបមនោសញ្ចេតនាអាចផ្សារភ្ជាប់ ល្អូកល្អឺនបាន។ ទិសនាំលាភទិសខាងត្បូង តំណមទិសខាងជើង។ ពណ៌នាំសំណាងពណ៌ក្រហម។ អ្នកយកអាសាឆ្នាំម្សាញ់៕
ឆ្នាំវក ៖ រាសីឡើងខ្ពស់។ ការងារ គ្រប់យ៉ាងចាប់ផ្តើមរៀបរយធ្វើឲ្យអ្នករវល់ច្រើន ត្រូវចេះរៀបចំឲ្យមានពេលសម្រាក កុំឲ្យឥទ្ធិពលដល់សុខភាព។ ថ្ងៃនេះអាចវិនិយោគរយៈពេលវែង។ មនោសញ្ចេតនា អ្នកនៅលីវមានឱកាសបានជួបមនុស្សក្នុងសុបិន្ត ត្រូវចេះរក្សាទំនាក់ទំនងនេះឲ្យបានល្អ។ ទិសនាំលាភទិសអាគ្នេយ៍ តំណមទិសពាយ័ព្យ។ ពណ៌នាំសំណាង ពណ៌លឿង, ស។ អ្នកយកអាសាឆ្នាំរោង៕
ឆ្នាំរកា ៖ រាសីស្រុតចុះ។ ការងារ សន្សឹមៗមានស្ថិរភាពជួយឲ្យអ្នកមានប្រភពចំណូលនឹងនរ ប៉ុន្តែមិនត្រូវប្រហែស ព្រោះគូប្រជែងតែងរកឱកាសកាច់បំបាក់អ្នក។ ថ្ងៃនេះមិនល្អសម្រាប់ការវិនិយោគ។ មនោសញ្ចេតនា ងាយកើតមានការសង្ស័យគូស្នេហ៍ ព្រោះតែសម្តីរបស់អ្នកក្រៅ។ ទិសនាំលាភទិសអាគ្នេយ៍ តំណមទិសពាយ័ព្យ។ ពណ៌នាំសំណាង ពណ៌លឿង,ស។ អ្នកយកអាសា ឆ្នាំរោង៕
ឆ្នាំចរ ៖ រាសីល្អមធ្យម។ ការងារអាស្រ័យដោយភាពម្ចាស់ការ សកម្មក្នុងការងារជយយឲ្យអ្នកត្រូវបានថ្នាក់លើ និងដៃគូសហការពេញចិត្ត។ វិនិយោគគួរប្រយ័ត្នប្រយែង ធ្វើអ្វីឲ្យល្មមនឹងសមត្ថភាពខ្លួន។ មនោសញ្ចេតនា អ្នកនៅលីវ មានឱកាសបានជួបមនុស្សដែលខ្លួនពេញចិត្ត ប៉ុន្តែត្រូវម្ចាស់ការទើបរក្សាបានទំនាក់ទំនងនេះ។ ទិសនាំលាភទិសត្បូង តំណមទិសឦសាន។ ពណ៌នាំសំណាង ពណ៌ផ្ទៃមេឃ។ អ្នកយកអាសាឆ្នាំខាល៕
ឆ្នាំកុរ ៖ រាសីឡើងខ្ពស់។ ការងារ អំណោយផលល្អ មានឱកាសពង្រីកវិស័យថ្មី។ ចូរព្យាយាមជួបជុំមិត្តភក្តិ អ្នកនឹងបានរកចំណូលបន្ថែម។ មនោសញ្ចេតនា គួរឧស្សាហ៍នាំគូស្នេហ៍ដើរកម្សាន្ត បង្កើនភាពរ៉ូមែនទិក ទើបមនោសញ្ចេតនា កាន់តែផ្អែមល្ហែម កក់ក្តៅ។ ទិសនាំលាភទិសខាងលិច តំណមទិសអាគ្នេយ៍។ ពណ៌នាំសំណាង ពណ៌ស។ អ្នកយកអាសាឆ្នាំឆ្លូវ៕