ខេត្តស្ទឹងត្រែង៖ កម្លាំងអធិការដ្ឋាននគរបាលស្រុកបុរីអូរស្វាយសែនជ័យ សហការជាមួយកម្លាំងប៉ុស្តិ៍នគរបាលឃុំអូរស្វាយ និងកម្លាំង ៦ នាក់ដឹកនាំដោយលោកអនុសេនីយ៍ឯក បៃ ថងសាម៉ៃ អធិការរងទទួលផែនគ្រឿងញៀន ចុះប្រតិបត្តិការពួនស្ទាក់នៅចំណុចវើនខោវ បានឃាត់ម៉ូតូមួយគ្រឿងម៉ាក វេវអាល់ហ្វា គ្មានផ្លាកលេខ និងឃាត់មនុស្សចំនួន២នាក់ ដកហូតថ្នាំញៀន ២កញ្ចប់តូច ប្រភេទ មេតំហេ្វតាមីនគ្រាប់(WY) ចំនួន២៩២គ្រាប់ នៅថ្ងៃ១៧ ខែមិថុនា ឆ្នាំ២០២០ វេលាម៉ោង១៧និង៣០នាទី។
លោកអនុសេនីយ៍ឯក បៃ ថងសាម៉ៃ បានថ្លែងថា នគរបាលបានឃាត់មនុស្សចំនួន២នាក់គឺអ្នកបើកបរឈ្មោះ ធី អិ ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ និង ឈ្មោះ លន់ ពុទ្ធី ភេទប្រុស អាយុ ៣៤ឆ្នាំជនជាតិខ្មែរ មុខរបរមិនពិតប្រាកដជាអ្នករួមដំណើរ ។ ទាំងពីរនាក់រស់នៅភូមិរិទ្ធីសែនជ័យមួយ ភូមិអូរស្វាយសែនជ័យ ស្រុកបុរីអូរស្វាយសែនជ័យ ។ កម្លាំងនគរបាលបានដកហូតវត្ថុតាងរួមមាន ថ្នាំញៀន ២កញ្ចប់តូច ប្រភេទ មេតំហេ្វតាមីនគ្រាប់(WY) ចំនួន២៩២គ្រាប់ ម៉ូតូមួយគ្រឿងម៉ាក វេវអាល់ហ្វា ពណ៌ខ្មៅអត់ផ្លាកលេខ៕
ដោយ ៖ សុខុម
