មេដឹកនាំកូរ៉េខាងជើង ហាក់ដូចជាពុំបង្ហាញវត្តមានចំពោះមុខមហាជននៅខួបអនុស្សាវរីយ៍លើកទី៧២ឆ្នាំ ថ្ងៃបង្កើត គណបក្សពលករកូរ៉េ កាលពីម្សិលមិញនេះ ។
តាម KBS នោះ ប្រព័ន្ធឃោសនារបស់កូរ៉េខាងជើង ប៉ុន្មានថ្ងៃនេះបានផ្សាយព័ត៌មានយ៉ាងគគ្រឹកគគ្រេងពីពិធីបុណ្យទាំងឡាយជាអាទិ៍ថ្ងៃឡើងកាន់អំណាចគម្រប់២០ឆ្នាំ នៃសពប្រធាន Kim Jong-il និងបុណ្យខួប៧២ឆ្នាំ ថ្ងៃបង្កើតបក្សពលរដ្ឋកូរ៉េខាងជើង ។ ប៉ុន្តែគេពុំឃើញស្រមោលរបស់លោក Kim Jong-Un ក្នុងទិវាដ៏សំខាន់២ខាងលើទេ។
មេដឹកនាំកូរ៉េខាងជើង Kim Jong-Un
វត្តមានមុននេះ ដែលលោក Kim បានអវត្តមានគឺក្នុងសន្និបាតទូទាំងប្រទេសនៃបក្សពលរដ្ឋកូរ៉េ ថ្ងៃទី៧ ខែតុលា វេលាដែលលោកប្រកាសដាក់បញ្ចូលប្អូនស្រីខ្លួន Kim Jo-Jung ចូលក្នុងការិយាល័យនយោបាយ ។
ប្រព័ន្ធឃោសនារបស់កូរ៉េខាងជើងក៏ពុំមានចុះផ្សាយព័ត៌មានពីការដែលលោក Kim ទៅកាន់វិមានមហាសាគរ Kim Susan-ជាទម្លាប់ក្នុងទិវាខួបបង្កើតបក្សគឺលោក Kim តែងទៅគោរពនៅទីនោះ -កន្លែងតម្កល់សពជីតា និងឪពុករបស់ខ្លួន ដែលជាអតីតស្ថាបនិក និងមេដឹកនាំជំនាន់មុន ។
កាលពីខែសីហា ឆ្នាំ២០១៧ បានអវត្តមាន២សប្តាហ៍ជាប់គ្នា នៅខណៈពេលផ្ទុះសង្គ្រាមពាក្យសម្តីរវាងអាមេរិក-កូរ៉េខាងជើង ហើយនៅចុងខែនោះកូរ៉េខាងជើង បានបាញ់បង្ហោះកាំជ្រួចរំលងប្រទេសជប៉ុន ៕សូយន