ខេត្តស្វាយរៀង: នៅវេលាម៉ោង១៤និង៣០នាទីរសៀលថ្ងៃទី១ ខែកក្កដា ឆ្នាំ២០២០ នៅចំណុចភូមិតាពៅ សង្កាត់បាវិត ក្រុងបាវិត ខេត្តស្វាយរៀង សមត្ថកិច្ច បានធ្វើការឃាត់ខ្លួនជនសង្ស័យចំនួន ៣ នាក់ ។
សមត្ថកិច្ចបានឲ្យដឹងថា: ជនសង្ស័យ ឈ្មោះឈូក សំអន់ ភេទប្រុស អាយុ ២១ ឆ្នាំ មុខរបរជាងជួសជុលម៉ូតូ ទីលំនៅបច្ចុប្បន្ន ភូមិតាពៅ សង្កាត់បាវិត ក្រុងបាវិត ខេត្តស្វាយរៀង និងឈ្មោះនង សុខុន ភេទប្រុស អាយុ ២០ ឆ្នាំ មុខរបរជាងជួសជុលម៉ូតូ ទីលំនៅបច្ចុប្បន្ន ភូមិព្រៃផ្ដៅ សង្កាត់ច្រកម្ទេស ក្រុងបាវិត ខេត្តស្វាយរៀង ដកហូតវត្ថុតាង ម្សៅក្រាមពណ៌សថ្លាចំនួន ៨ កញ្ចប់ ទូរស័ព្ទដៃម៉ាក MI ០១ គ្រឿង ទូស័ព្ទដៃម៉ាក Nokia មួយគ្រឿង ទូរស័ព្ទដៃម៉ាក Oppo ០១ គ្រឿង កាបូបដៃ ០១ អត្តសញ្ញាណប័ណ្ណ ១ សន្លឹក ម៉ូតូម៉ាកហុងដាឌ្រីមសេ125 ពណ៌ខ្មៅបិទពណ៌ក្រហម ពាក់ផ្លាកលេខ ស្វាយរៀង1P-7943 សម្ភារប្រើប្រាស់គ្រឿងញៀនមួយចំនួន។
ប្រភពដដែលបានបន្តថា បន្ទាប់ពីធ្វើការសាកសួរជនសង្ស័យទាំង ២ រួចមក សមត្ថកិច្ចធ្វើការស្រាវជ្រាវ និងឃាត់ខ្លួនជនសង្ស័យបានម្នាក់ទៀត នៅវេលាម៉ោង ១៧និង៣០នាទី ថ្ងៃខែឆ្នាំដដែល គឺឈ្មោះទិត្យ អូន ភេទប្រុសអាយុ ២៧ ឆ្នាំ មុខរបរជាងជួសជុលម៉ូតូ លំនៅបច្ចុប្បន្ន ភូមិតាពៅ សង្កាត់បាវិត ក្រុងបាវិត ខេត្តស្វាយរៀង
បច្ចុប្បន្នជនសង្ស័យត្រូវបានបញ្ជូន ទៅមន្ទីរយុត្តិធម៌កងរាជអាវុធហត្ថខេត្ត ដើម្បីចាត់ការតាមនីតិវិធី៕
ដោយ៖ វ៉ៃកូ
