ខេត្តស្វាយរៀង ៖ សិស្សសាលាវ័យជំទង់ចំនួន៣នាក់ បានរងរបួសដោយសារករណីគ្រោះថ្នាក់ចរាចរណ៍មួយ រវាងរថយន្តនិងម៉ូតូ ខណៈពេលដែលម្ចាស់រថយន្តបើកបត់ឆ្វេងត្រឡប់ក្រោយ មិនប្រយ័ត្ន ក៏ត្រូវម៉ូតូរបស់សិស្សសាលាមានគ្នា៣នាក់ មកពីក្រោយក្នុងទិសដៅស្របគ្នាបុកចំពាក់កណ្តាលរថយន្តបណ្តាលរងរបួសរណូករណែលតែម្តង ដែលហេតុការណ៍ខាងលើនេះ បានកើតឡើងកាលពីវេលាម៉ោង ២០និង០៥ នាទីយប់ថ្ងៃទី១៥ ខែកក្កដា ឆ្នាំ២០២០ លើផ្លូវលេខ ៣១៤ ស្ថិតក្នុងភូមិថ្មី សង្កាត់សង្ឃ័រ ក្រុងស្វាយរៀង ។
សមត្ថកិច្ចបានឱ្យដឹងថាៈ រថយន្ដបង្កម៉ាកស៊ីណា ពណ៌ ស ពាក់ផ្លាកលេខ ភ្នំពេញ ២BA ១៥០៨ បើកបរបើកបរដោយឈ្មោះ គង់ សុផាត ភេទប្រុស អាយុ ៣៤ ឆ្នាំ មុខរបរ មេការសំណង់ រស់នៅភូមិត្របែក ឃុំស្វាយជ្រំ ស្រុកស្វាយជ្រំ ខេត្តស្វាយរៀង បើកបរពីលិចទៅកើត អ្នកបើកបរគ្មានរបួស រថយន្ដខូចខាតស្រាល ។ ដោយឡែក ម៉ូតូរបស់ជនរងគ្រោះម៉ាក្ស Nex ពណ៌ ទឹកប្រាក់ ពាក់ផ្លាកលេខ ស្វាយរៀង ១N ៦៧៣០ បើកបរដោយឈ្មោះ ជា ប៉ូលីន ភេទ ប្រុស អាយុ ១៨ ឆ្នាំ មុខរបរ សិស្ស រស់នៅភូមិ វាលយន្ដ សង្កាត់ស្វាយរៀង ក្រុងស្វាយរៀង ខេត្តស្វាយរៀង បើកបរពីលិចទៅកើត មិនពាក់មួកសុវត្ថិភាព រងរបួសស្រាល ម៉ូតូខូចខាតស្រាល ។ អ្នករួមដំណើររួមមាន៖ ទី១ ឈ្មោះ ចាន់ សុខសាន្ដ ភេទប្រុស អាយុ ១៥ ឆ្នាំ មុខរបរ សិស្ស រស់នៅភូមិឃោសាង សង្កាត់ស្វាយតឿ ក្រុងស្វាយរៀង ខេត្តស្វាយរៀង មិនពាក់មួកសុវត្ថិភាព រងរបួសស្រាល ។ ទី២ ឈ្មោះ សៀម ខេវិន ភេទប្រុស អាយុ ១៥ ឆ្នាំ មុខរបរ សិស្ស រស់នៅភូមិគយត្របែក សង្កាត់គយត្របែក ក្រុងស្វាយរៀង ខេត្តស្វាយរៀង មិនពាក់មួកសុវត្ថិភាព រងរបួសស្រាល និងទី៣ ឈ្មោះ ឡុង ភក្ដី ភេទប្រុស អាយុ ១៥ មុខរបរ សិស្ស រស់នៅភូមិវាលយន្ដ សង្កាត់ ស្វាយរៀង ក្រុងស្វាយរៀង ខេត្តស្វាយរៀង មិនពាក់មួកសុវត្ថិភាព រងរបួសស្រាល ។ បច្ចុប្បន្នមធ្យោបាយរក្សាទុកនៅ អធិការក្រុងស្វាយរៀង ។
ដោយឡែកអ្នករបួសសម្រាកព្យាបាលនៅមន្ទីរពេទ្យបង្អែកខេត្តស្វាយរៀង ហើយមូលហេតុនោះគឺ អ្នកបើកបររថយន្ដបត់ត្រឡប់ក្រោយ ៕ដោយ៖ វ៉ៃកូ
