ខេត្តបាត់ដំបង៖ អាជ្ញាធរមីន បានឲ្យដឹងថា នៅថ្ងៃទី២៧ ខែកក្កដា ឆ្នាំ២០២០ វេលាម៉ោង១៤និង០៥ នាទី នៅភូមិតាគ្រក់ ឃុំត្រែង ស្រុករតនមណ្ឌល ខេត្តបាត់ដំបង មានករណីគ្រោះថ្នាក់ដោយសារមីនតោន បណ្តាលឲ្យស្លាប់ម្នាក់។
ជនរងគ្រោះ ឈ្មោះ ប៉ាត់ រិត ភេទប្រុស អាយុ ៣៥ឆ្នាំ ស៊ីឈ្នួលបើកត្រាក់ទ័រភ្ជួរដីចំការបណ្តាលឲ្យជាន់មីនតោនផ្ទុះ។ បុរសរងគ្រោះ ជាអ្នកបើកបរត្រាក់ទ័ររងរបួសធ្ងន់ ហើយត្រូវស្លាប់ពេលមកដល់មន្ទីរទេព្យ និងខូចខាតត្រាក់ទ័រមួយគ្រឿង ដោយដាច់ជាពីរកំណាត់។ គ្រោះថ្នាក់នេះកើតនៅពេលត្រាក់ទ័រកំពុងភ្ជួរដីចំការស្វាយ។
សូមសំដែងនូវមរណៈទុក្ខ និងមានការសោកស្តាយ ចំពោះគ្រោះថ្នាក់កើតឡើងលើដីចំការ និងជាដីលំនៅដ្ឋាន ដែលបានប្រើប្រាស់ជាច្រើនឆ្នាំមកហើយ៕ ដោយ៖កូឡាប
