សឹងតែមិនគួរឲ្យជឿថា Barça ឈានដល់វគ្គ៨ចុងក្រោយ១៣រដូវកាលជាប់ៗគ្នាក្នុង Champions League ប៉ុន្តែពួកគេមិនបានឈ្នះពានរង្វាន់នេះឡើយតាំងពីឆ្នាំ២០១៥។
ក្លឹបយក្សនៅតំបន់ កាតាឡាន់ ត្រូវធ្លាក់ចេញពីកម្មវិធី Champions League កាលឆ្នាំ២០១៩ ស្ទើរតែមិនគួរឲ្យជឿ បើទោះបីស៊ី Liverpool ក្នុងផ្ទះខ្លួនឯង ៣ទល់នឹង០ សម្រាប់ជើងទី១ តែបានបរាជ័យនៅជើងទី២ដ៏ធ្ងន់ធ្ងរ ០-៤ នាកីឡដ្ឋាន Anfield។
Barça ចាញ់ត្រឹម២ប្រកួតប៉ុណ្ណោះក្នុងចំណោម៣១ប្រកួតចុងក្រោយនៅ Champions League ទោះបីមិនដែលបរាជ័យសោះទល់នឹងក្លឹបអាល្លឺម៉ង់ ក្នុង៦ប្រកួតចុងក្រោយចាប់តាំងពីបរាជ័យដោយសារក្លឹប Bayern Munich នៅវគ្គពាក់កណ្តាលផ្តាច់ព្រ័ត្រឆ្នាំ២០១៥។
Barça បានឈ្នះ១៤ប្រកួតក្នុងចំណោម១៩ប្រកួតទល់នឹងក្លឹប អាល្លឺម៉ង់។ កំណត់ត្រារបស់ក្លឹបនៅ អេស្ប៉ាញ មួយនេះគឺអន់បំផុតទល់នឹង Bayern ក្នុងការជួបគ្នា១០លើករបស់ក្រុមទាំង២គឺ Barça ឈ្នះ ត្រឹម២ដងប៉ុណ្ណោះ ក្នុងនោះចាញ់៦និងស្មើ២៕
ដោយ ៖វិច្ឆិកា
