ខ្ទើយម្នាក់អាយុ ១៧ ឆ្នាំ នៅក្នុងប្រទេសម៉ាឡេស៊ី ត្រូវបានបុរសម្នាក់ ដែលបានស្គាល់តាមរយៈ MiChat ប្លន់និងវាយបណ្តាលឲ្យរងរបួសគួរឲ្យអាសូរ ។ តែឥឡូវនេះបញ្ហាគឺថា នៅក្នុងទំព័រហ្វេសប៊ុកនៃអត្ថបទដើម មានមនុស្សប្រហែល ៦.៦០០ នាក់ បានប្រតិកម្មចំពោះរឿងនេះ ក្នុងនោះ ២.៣០០ នាក់ បានយល់ឃើញថាវាជារឿងគួរឲ្យអស់សំណើចទៅវិញ ដែលបានលឺថាខ្ទើយត្រូវបានគេវាយប្លន់បែបនេះ ខណៈ ២២ នាក់ ពេញចិត្តព័ត៌មាននេះ។
លើសពីនេះ មនុស្សជាច្រើនទៀត ក៏បានចែករំលែករូបភាពខ្ទើយរូបនេះ និងបានបង្កើតរឿងមួយផ្សេងថា «នាងត្រូវបានចាប់ជំរិត និងនាំយកទៅរំលោភ» ។ រីឯអ្នកខ្លះទៀតបាននិយាយថា នាងសមនឹងទទួលវាហើយ ដោយសារតែនាងជាមនុស្សកែភេទ។
ក្រោយពីបានឃើញបែបនេះ សកម្មជនខ្ទើយ Gisele Rimong បានសម្តែងការសោកស្តាយជាខ្លាំង នៅពេលបានឃើញប្រតិកម្មរបស់អ្នកទាំងអស់នោះ ដោយនាងបានលើកឡើងថា «ខ្ទើយនៅក្នុងហេតុការណ៍នេះគឺជាជនរងគ្រោះ ប៉ុន្តែ អ្វីដែលនាងសមនឹងទទួលនោះ គឺក្តីអាណិតអាសូរពីបងប្អូនទាំងអស់គ្នា ព្រោះនាងក៏ជាមនុស្ស ហើយនាងក៏ត្រូវគេវាយប្លន់ដែរ»៕ ដោយ៖ លឹម ហុង