ក្រចេះ៖ ក្មេងប្រុសអាយុ២ឆ្នាំធ្លាក់ចូលពាងបណ្តាលឲ្យលង់ទឹកស្លាប់ ដោយហេតុការណ៍នោះ បានកើតឡើងនៅម៉ោង ៩យប់ថ្ងៃទី១ ខែវិច្ឆិកា ឆ្នាំ២០២០ ភូមិជើងពាត ឃុំកោះខ្ញែរ ស្រុកសំបូរ ខេត្តក្រចេះ។
សមត្ថកិច្ចបានបញ្ជាក់ថា កុមារារងគ្រោះ ឈ្មោះ ផល រ៉ាឌី អាយុ២ឆ្នាំ ។ នៅថ្ងៃកើតហេតុ កុមារានោះ បានទៅលេងក្បែរពាងទឹក ហើយធ្លាក់ចូលក្នុងពាងដាក់ទឹក បណ្ដាលឲ្យលង់ទឹកស្លាប់។
ក្រោយហេតុការណ៍កើតឡើង កម្លាំងប៉ុស្តិ៍នគរបាលរដ្ឋបាលកោះខ្ញែរ បានចុះទៅកន្លែងកើតហេតុហើយធ្វើការពិនិត្យសាកសព ឃើញថាកុមារារងគ្រោះពិតជាធ្លាក់ចូលពាងទឹកលង់ស្លាប់ពិតប្រាកដមែន ៕ ដោយ៖សុខុម
