១.គ្រឿងផ្សំ ៖
-មាន់ចំនួន ១
-ផ្កាចេក ៖ ២០-២៥ផ្កា
-សាច់ជ្រូកបីជាន់ចិញ្ច្រាំ ៖ ១,៥ខាំ (មួយខាំកន្លះ)
-ពពុះសណ្តែកមាន ៣បន្ទះ
-មីសួរ ៖ មួយកញ្ចប់តូច
-ត្រចៀកកណ្តុរ ប្រហែលជា ៥-៦
-ផ្សិតក្រៀម (ត្រាំឲ្យរីក) ៧
-ខ្ទឹមក្រហម ៣កំពឹសធំ
-គ្រាប់ឈូក (ស្ងោរឆ្អិន) ១ខាំ
-ស្ករស ១ស្លាបព្រាបាយ
-ប្រេងខ្យង ១ស្លាបបាយកន្លះ
-ទឹកស៊ីអ៊ីវកន្លះស្លាបព្រាបាយ
-ម្សៅស៊ុបមាន់កន្លះស្លាបព្រាបាយ
-អំបិល កន្លះស្លាបព្រាកាហ្វេ
-ម្រេច កន្លះស្រាបកាហ្វេ
-ទឹកត្រី ១ស្លាបព្រាកាហ្វេ
-ប្រេងល្ង កន្លះស្លាបព្រាកាហ្វេ (ជ្រើសរើសយកម៉ាកនេះ ឈ្ងុយល្អ)
២.វិធីធ្វើ ៖
-ពពុះសណ្តែក ផ្សិត ត្រចៀកកណ្តុរ ផ្កាចេក ហាន់ឲ្យតូចៗទាំងអស់ មីសួរកាត់ឲ្យខ្លី ខ្ទឹមក្រហមហាន់ចំណិតតូចៗ។ មាន់មុនញាត់គ្រឿងចូល ប្រឡាក់គ្រឿងតិចៗពីក្រៅ ដើម្បីអាំងទៅមានពណ៌ក្រហម, ដាក់ប្រេងខ្យងបន្តិច ទឹកស៊ីអ៊ីវបន្តិច ស្ករបន្តិច ហើយប្រឡាក់ពីក្រៅឲ្យសព្វ ទុកមួយអន្លើសិន។
-ដាក់គ្រឿងផ្សំទាំងអស់ច្របាច់ចូលគ្នាឲ្យសព្វ ដើម្បីញាត់ចូលមាន់ ។ បើកគូទមាន់ញាត់គ្រឿងចូល ហើយកុំអាំងទាំងអីចឹង ដោតអំបោះនឹងម្ជុលដេរវាតិចទៅកុំឲ្យវាហូរជាតិចេញក្រៅឲ្យវានៅក្នុងនឹងតែម្តង។ ប្រើពេលដុតត្រឹម ១ម៉ោងកន្លះ នឹងឆ្អិនហើយ យើងបើកលេខ៤៥០, មួយម៉ោងកន្លះចុចមើល បើថា មិនឆ្អិនថែមតិចទៀតទៅ៕
សូមមើលរូបភាពតាមលំដាប់លំដោយ ៖
