ស្ទឹងត្រែង៖ គ្រោះថ្នាក់ចរាចរណ៍មួយ កើតឡើងនៅផ្លូវគ្រួសក្រហម ចូលឃុំព្រះរំកិល ស្រុកបុរីអូរស្វាយសែនជ័យ វេលាម៉ោង៨ព្រឹក ថ្ងៃទី២១ ខែវិច្ឆិកា ឆ្នាំ២០២០។
នៅក្នុងហេតុការណ៍នោះ បណ្ដាលឱ្យមានមនុស្សរងរបួសធ្ងន់ម្នាក់ របួសស្រាលម្នាក់។ អាជ្ញាធរឃុំព្រះរំកិល បានជូនជនរងគ្រោះមកកាន់មន្ទីរពេទ្យខេត្តស្ទឹងត្រែង។
ភ្លាមៗនោះ មិនទាន់ដឹងអត្តសញ្ញាណនៅឡើយទេ។ ប្រភពព័ត៌មានបានឲ្យដឹងថា រថយន្តពាក់ផ្លាកលេខខេមរភូមិន្ទ ០៣ ២-៤៤៧៣ បានធ្វើដំណើរពីទឹកដីខេត្តព្រះវិហារ មកកាន់ខេត្តស្ទឹងត្រែង លុះពេលដល់ចំណុចកើតហេតុភូមិសាស្ត្រឃុំព្រះរំកិល បើកលឿនជ្រុលលើផ្លូវក្រាលគ្រួសក្រហម ក៏ធ្លាក់ពីលើផ្លូវតែម្តង៕ ដោយ ៖ សុខុម
