ប្រិយមិត្តបានស្គាល់ហើយពីតារាសម្តែងស្រីកញ្ញា ហាស់ វីរ៉ាស្រីរ័ត្ន ហៅរ៉ូស (Rose) ដែលកំពុងល្បី និងទទួលការចាប់អារម្មណ៍ជាខ្លាំង ជាពិសេសពីសំណាក់យុវវ័យក្មេងៗ ដែលចូលតាមដានបាញ់ Rose ឡើងកប់ៗ សឹងតែគ្មានការលើកលែងរាល់ផុសម្តងៗ។
ពិតមែនហើយ ជាតារាល្បីក្នុងបណ្តាញសង្គម ដោយសារក្រដាស ១០ ក្រដាស ២០ មិនស្គាល់ខ្លួនហាក់ដូចមិនស្គាល់វិមានឯរាជ្យ ជាដើម ឃើញថា Rose ហាក់ឡើងកូដក្រឺតៗតែម្តង ខណៈតម្លៃខ្លួនទទួលថតប្រូម៉ូតផ្សេងៗក៏ឡើងខ្ពស់។
ងាកមកមើលពីសម្រស់វិញ ឃើញថា Rose មានទម្រង់មុខពងក្រពើ ថ្គាមខ្លា និងភ្នែកវិញមើលហាក់ស្លក់ស្លេកស្លាំងជានិច្ច ប្រៀបដូចមនុស្សគេងពុំគ្រប់អ៊ីចឹង។ ជាមួយគ្នានេះផងដែរ ក្រោយពីបានឃើញបែបនេះ អ្នកចូលចិត្តបាញ់មួយចំនួនក៏បានប្រាប់ទៅ Rose ឲ្យកែសម្ផស្សចេញទៅ ខណៈក៏ធ្លាប់មានគ្លីនិកមួយទទួលវះកាត់កែសម្ផស្សដោយឥតគិតថ្លៃផងដែរ ប្រសិនបើ Rose យល់ព្រម។ ប៉ុន្តែ នៅពេលនោះ Rose ក៏ធ្លាប់បាននិយាយថា ពុំកែទេទុកតាមធម្មជាតិល្អជាង។
តែទោះយ៉ាងណា ស្រាប់តែថ្មីៗនេះ Rose បានធ្វើឲ្យគ្រប់គ្នាស្រឡាំងតែម្តង ខណៈឡើងគ្រែវះកាត់ ហើយលទ្ធផលមើលឃើញថាប្រែសម្រស់ ៣៦០ ដឺក្រេ មើលលែងស្គាល់តែម្តង។ ទន្ទឹមនេះផងដែរ Rose ក៏បានភ្ជាប់សារបញ្ជាក់ប្រាប់ហ្វេនៗពីការកែសម្ផស្សលើកដំបូងរបស់ខ្លួនថា៖ «វះកាត់តចង្ការ នឹងធ្វើច្រមុះបាន២ថ្ងៃហើយសូមពាក្យជូនពរម្នាក់មួយមកហ្វេនហ្វេន នឹកអ្នកទាំងអស់គ្នា»៕ រក្សាសិទ្ធិដោយ៖ លឹម ហុង
