ការនាំចេញសម្លៀកបំពាក់ស្បែកជើងនិងទំនិញធ្វើដំណើររបស់កម្ពុជាបានធ្លាក់ចុះ ៩ ភាគរយក្នុងរយៈពេល ១០ ខែដំបូងនៃឆ្នាំនេះ

ភ្នំពេញ៖យោងតាមទិន្នន័យពីអគ្គនាយកដ្ឋានគយនិងរដ្ឋាករ (GDCE) បានឱ្យដឹងថាការនាំចេញសម្លៀកបំពាក់ស្បែកជើង និងទំនិញធ្វើដំណើររបស់កម្ពុជាបានធ្លាក់ចុះ ៩ ភាគរយក្នុងរយៈពេល ១០ ខែដំបូងនៃឆ្នាំនេះ បើធៀបនឹងរយៈពេលដូចគ្នាកាលពីឆ្នាំ (២០១៩)។ តម្លៃសរុបនៃផលិតផលនាំចេញទាំងនេះចន្លោះពីខែមករាដល់ខែតុលាមានចំនួន ៨,២១ ពាន់លានដុល្លារ។

ការនាំចេញសម្លៀកបំពាក់បានធ្លាក់ចុះ ១០,៧ ភាគរយស្មើនឹង ៦,១៦ ពាន់លានដុល្លារ ស្បែកជើងធ្លាក់ចុះ ៦,៨៦ ភាគរយស្មើនឹង ៩២៩,៥៧ លានដុល្លារ ដោយឡែកទំនិញធ្វើដំណើរធ្លាក់ចុះ ១១ ភាគរយស្មើនឹង ៧៨៨,៩៧ លានដុល្លារ។ វិស័យវាយនភ័ណ្ឌផ្សេងទៀតដែលគិតជាតុល្យភាពនៃទំនិញនេះបានបង្ហាញពីការកើនឡើង ៣៧ ភាគរយ ដល់ ៣៣២,៨០ លានដុល្លារ។

ទីផ្សារសហរដ្ឋអាមេរិកគឺជាទិសដៅឈានមុខគេសម្រាប់ផលិតផលកម្ពុជាក្នុងវិស័យនេះដែលមាន ៣៧ ភាគរយនៃចំនួនសរុប (កើនឡើង ៦,៣៤ ភាគរយ ដល់ជាង ៣ ពាន់លានដុល្លារអាមេរិក) បន្ទាប់មកសហភាពអឺរ៉ុបមាន ២៧ ភាគរយ (ធ្លាក់ចុះ ២២,១៤ ភាគរយ ដល់ ២,១៨១ ពាន់លានដុល្លារ) ។

ប្រទេសជប៉ុនមាន ៩ ភាគរយ (ធ្លាក់ចុះ ១០,៤៨ ភាគរយ ធ្លាក់ចុះដល់ ៧៣១,២ លានដុល្លារ) ចក្រភពអង់គ្លេស ៧ ភាគរយ (ធ្លាក់ចុះ ១៨,៥៣ ភាគរយ នៅសល់ ៦១៥,៦ លានដុល្លារ) គោលដៅអាស៊ាន ២ ភាគរយ (កើនឡើង ២៦,៨២ ភាគរយ ដល់ ៧៣១,២៤ លានដុល្លារ) ចក្រភពអង់គ្លេសនៅសល់ ៧ ភាគរយ (ធ្លាក់ចុះ ១៨,៥៣ ភាគរយ នៅសល់ ៦១៥,៦ លានដុល្លារ) ជាមួយនៅសល់ ១៨ ភាគរយ (កើនឡើង ១១.៥៤ ភាគរយ YTD ដល់ ១,៤៥៣ ពាន់លានដុល្លារ) ដែលបានបែងចែកក្នុងចំណោមប្រជាជាតិនានា។

លោក កាំង ម៉ូនីកា អគ្គលេខាធិការរងនៃសមាគមរោងចក្រកាត់ដេរនៅកម្ពុជា បានមានប្រសាសន៍ថា ទីផ្សារពិភពលោកសម្រាប់ការនាំចេញសម្លៀកបំពាក់របស់កម្ពុជានឹងមានបញ្ហាប្រឈមជាងមុន ហើយការកែទម្រង់ផ្ទៃក្នុងសម្រាប់ការប្រកួតប្រជែងកាន់តែប្រសើរគួរតែជាការយកចិត្តទុកដាក់។ លោកបានបន្ថែមទៀតថា ទីផ្សារសម្លៀកបំពាក់បានផ្លាស់ប្តូរពីផលិតកម្មរយៈពេលវែង ទៅជាការបញ្ជាទិញខ្នាតតូចនិងការដឹកជញ្ជូនលឿន បានបង្កការលំបាកក្នុងការមើលឃើញរូបភាពពេញមួយឆ្នាំ៕
រក្សាសិទ្ធិដោយ៖CEN