ភ្នំពេញ៖ លោកដួង តារា ជំនួយការផ្ទាល់សម្ដេចតេជោហ៊ុនសែន និងជារដ្ឋលេខាធិការនៃទីស្តីការគណៈរដ្ឋមន្ត្រី បានសរសេរសារ ទាំងព្រឹកព្រលឹមថ្ងៃទី ១៥មករានេះថា មានចោរពាក់ម៉ាស់ បានមកលួចកាត់កញ្ចក់ឡាន ទាំងសងខាង ហេីយយកដុំថ្មបំបែកកញ្ចក់ឡានខាងស្តាំដែលចតនៅមុខផ្ទះដែលកំពុងរស់នៅសព្វថ្ងៃ។
លោកដួង តារា ជំនួយការផ្ទាល់សម្ដេចតេជោហ៊ុនសែន បានបន្តទៀតថា លើកទី២ហេីយដែលចោរមកបំផ្លាញដល់ផ្ទះ។ ភ្ញាក់ពីគេងឃេីញរថយន្តត្រូវបានបំផ្លាញដោយចោរ ពិតជាគួរឲ្យសោកស្តាយយ៉ាងខ្លាំង។
“ខ្ញុំសារកាមេរ៉ា មេីលយប់មិញរវាងម៉ោង 1:30 យប់ មានចោរពាក់ម៉ាស់ បានមកលួចកាត់កញ្ចក់ឡានខ្ញុំទាំងសង្ខាង ហេីយយកដុំថ្មបំបែកកញ្ចក់ឡានខាងស្តាំដែលចតនៅមុខផ្ទះដែលខ្ញុំកំពុងរស់នៅសព្វថ្ងៃ។ កាលពីខ្ញុំមកនៅទីនេះដំបូងក៏ធ្លាប់មានចោរចូលពីលេីដំបូលផ្ទះមកក្នុងផ្ទះ។ គួរអោយសោកស្តាយចំពោះអ្វីដែលបានកេីតឡេីងសម្រាប់ខ្ញុំ ខ្ញុំពិតជាមានការបារម្ភចំពោះសុវត្ថិភាពរស់នៅ”។លោកដួង តារា ជំនួយការផ្ទាល់សម្ដេចតេជោហ៊ុនសែន បានបញ្ជាក់បន្ថែមយ៉ាងដូច្នេះ៕ រក្សាសិទ្ធិដោយ៖បញ្ញាស័ក្តិ
