ភ្នំពេញ៖ យោងមាត្រា២៦ នៃច្បាប់ស្តីពីសំណង់ ដែលត្រូវបានប្រកាសឱ្យប្រេីដោយព្រះរាជក្រមលេខ នស/រកម/១១១៩/០១៩ ចុះថ្ងៃទី ២ ខែវិច្ឆិកា ឆ្នាំ២០១៩ រាល់ការងារសាងសង់ឬរុះរេី ត្រូវមានលិខិតអនុញ្ញាតសាងសង់ជាមុន។
ឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់បានលើកឡើងថា ក្នុងន័យនេះ រាល់ការសាងសង់សំណង់សាធារណៈ (សំណង់របស់រដ្ឋ) និងសំណង់របស់ឯកជន ត្រូវមានលិខិតអនុញ្ញាតសាងសង់ពីក្រសួង រៀបចំដែនដី នគរូនីយកម្ម និងសំណង់ ឬពីអភិបាលនៃគណៈអភិបាលរាជធានី ខេត្ត ក្រុង ស្រុក ខណ្ឌ ទៅតាមទំហំក្រឡាផ្ទៃសំណង់ ដែលកំណត់ដោយអនុក្រឹត្យលេខ ២២៤ អនក្រ.បក ចុះថ្ងៃទី ៣០ ខែធ្នូ ឆ្នាំ ២០២០ ស្តីពីលិខិតអនុញ្ញាតសាងសង់៕ រក្សាសិទ្ធិដោយ៖បញ្ញាស័ក្តិ
