ភ្នំពេញ ៖ គិតចាប់ពីដើមឆ្នាំ២០២១មក ទំហំជួញដូរភាគហ៊ុននៅផ្សារមូលបត្រកម្ពុជា (ផ.ម.ក.) មានចំនួនតែ ៧៩លានរៀល ប៉ុណ្ណោះនៅថ្ងៃចន្ទ ដែលវាជា គឺជាទំហំជួញដូរភាគហ៊ុនទាបបំផុត។
ទន្ទឹមនឹងនេះ បន្ទាប់ពីមានការកើនឡើងត្រឹមមួយថ្ងៃនៅថ្ងៃសុក្រមុន សន្ទស្សន៍ផ.ម.ក. ជាថ្មីម្តងទៀត បានធ្លាក់ចុះ០,១៤% វិញ មកត្រឹម៦៤២,៧៩ពិន្ទុ។
ស្រដៀងនឹងថ្ងៃជួញដូរចុងក្រោយនៃសប្តាហ៏មុនដែរ ភាគហ៊ុនកំពង់ផែស្វយ័តក្រុងភ្នំពេញ (PPAP) ហ្គ្រេនធ្វីន (GTI) អេស៊ីលដា (ABC) និងនិងផេសថិក (PEPC) បានរក្សាថ្លៃថេរដដែលត្រឹម១១.៦៨០រៀល ៣.៤០០រៀល ១៦.៩០០រៀល និង៣.០០០រៀល ត្រឹមវេលាផ្សារបិទថ្ងៃចន្ទនេះ។
ភាគហ៊ុនកំពង់ផែស្វយ័តក្រុងភ្នំពេញ (PWSA) និងកំពង់ផែស្វយ័តព្រះសីហនុ (PAS) បានធ្លាក់ចុះ ១៤០រៀល និង៤០រៀល មកត្រឹម៦,០០០រៀល និង១៤,០០០រៀល។ ផ្ទុយមកវិញ ភាគហ៊ុនតំបន់សេដ្ឋកិច្ចពិសេសភ្នំពេញ (PPSP) បានងើបឡើងវិញចំនួន២០រៀល មកដល់១.៤៤០រៀល៕
រក្សាសិទ្ធិដោយ៖CEN
