ភ្នំពេញ៖ ឯកអគ្គរដ្ឋទូតរុស្ស៊ីប្រចាំនៅកម្ពុជា បានអបអរសាទរ ចំពោះសមិទ្ធផលដែលកម្ពុជាទទួលដំណក់ប្រេងលើកដំបូង ក្នុងប្រវត្តិសាស្ត្ររបស់ខ្លួន។
ក្នុងជំនួបសម្តែងការគួរសម និងពិភាក្សាការងាររវាងឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល លោក Anatoly BOROVIK ឯកអគ្គរដ្ឋទូតសហព័ន្ធរុស្សី ប្រចាំកម្ពុជា បានថ្លែងថា «សូមអបអរសារទចំពោះសមិទ្ធិផលដ៏អស្ចារ្យដែលកម្ពុជាទទួលតំណក់ប្រេងដំបូងក្នុងប្រវត្តិសាស្ត្ររបស់ខ្លួន ក្រោមនយោបាយឈ្នះ-ឈ្នះ របស់សម្តេចតេជោនាយករដ្ឋមន្ត្រី កាលពីចុងឆ្នាំ២០២០ កន្លងទៅ»។
យោងតាមបណ្តាញសង្គមហ្វេសប៊ុកក្រសួងរ៉ែ និងថាមពលនៅថ្ងៃទី២៧មករាឆ្នាំ២០២០បានលើកឡើងថានៅក្នុងជំនួបនោះ ឯកឧត្តមរដ្ឋមន្ត្រីក្រសួងរ៉ែ ក៏បានស្វាគមន៍យ៉ាងកក់ក្តៅ និងគាំទ្រ ដល់ការវិ និយោគរុស្សីមកកម្ពុជា ជាពិសេស គឺឱកាសក្នុងការបង្កើតរោងចក្រចម្រាញ់ប្រេ ងកាតនៅកម្ពុជា។
ក្រសួងរ៉ែនិងថាមពល បានបញ្ជាក់ថា ជំនួបសម្តែងការគួរសមនិងពិភាក្សាការងារ រវាងឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល និង ឯកឧត្តម Anatoly BOROVIK ឯកអគ្គរដ្ឋទូតវិសាមញ្ញ និងពេញសមត្ថភាពនៃសហព័ន្ធរុស្សី ប្រចាំកម្ពុជា នាទីស្ដីការក្រសួងរ៉ែនិងថាមពល ថ្ងៃពុធ ទី២៧ ខែមករា ឆ្នាំ២០២១។ កិច្ចពិភាក្សានេះ បានផ្តោតលើប្រធានបទសំខាន់ៗដូចជា៖ – គម្រោងកិច្ចសហប្រតិបត្តិការភូគព្ភសាស្ត្រនិងការអភិវឌ្ឍធនធានរ៉ែ រវាងក្រសួងរ៉ែនិងថាមពលកម្ពុជា និងក្រសួងធនធានធម្មជាតិនិងបរិស្ថានរុស្សី – គម្រោងកិច្ចសហប្រតិបត្តិការក្នុងការប្រើប្រាស់ថាមពលបរមាណូ សម្រាប់បម្រើឱ្យគោលបំណងសន្តិភាព – សក្តានុពលនិងឱកាស នៃការវិនិយោគរបស់ក្រុមហ៊ុនរុស្ស៊ី ក្នុងវិស័យប្រេងនិងឧស្ម័នរួមមាន ការស្វែងរុករក ការអភិវឌ្ឍបច្ចេកវិទ្យា និងការបង្កើតរោងចក្រចម្រាញ់ប្រេងកាត – សក្តានុពលនិងឱកាសនៃការវិនិយោគរបស់ក្រុមហ៊ុនរុស្ស៊ី ក្នុងវិស័យថាមពលកកើតឡើងវិញរួមមាន ថាមពលដើរដោយខ្យល់ និងថាមពលដើរដោយពន្លឺព្រះអាទិត្យ – ការផ្តល់អាហារូបករណ៍ និងគម្រោងកសាងសមត្ថភាព សម្រាប់មន្ត្រី និងសិស្សនិស្សិតកម្ពុជា ក្នុងវិស័យថាមពល ប្រេងនិងឧស្ម័ន។
ទន្ទឹមនឹងនេះដែរ ឯកឧត្តមឯកអគ្គរដ្ឋទូត បានអបអរសាទរ ចំពោះសមិទ្ធិផលដ៏អាស្ចារ្យដែលកម្ពុជា ទទួលដំណក់ប្រេងដំបូងក្នុងប្រវត្តិសាស្ត្ររបស់ខ្លួន ក្រោមនយោបាយឈ្នះ-ឈ្នះ របស់សម្តេចតេជោនាយករដ្ឋមន្ត្រី កាលពីចុងឆ្នាំ២០២០ កន្លងទៅ។ ឯកឧត្តមរដ្ឋមន្ត្រី ក៏បានស្វាគមន៍យ៉ាងកក់ក្តៅ និងគាំទ្រដល់ការវិនិយោគរុស្ស៊ីមកកម្ពុជា ជាពិសេស គឺឱកាសក្នុងការបង្កើតរោងចក្រចម្រាញ់ប្រេងកាត នៅកម្ពុជា។
សូបញ្ជាក់ថា សម្តេចតេជោហ៊ុន សែន បានប្រកាសថ្ងៃទី២៩ ខែធ្នូ ឆ្នាំ២០២០ កម្ពុជាបានចាប់ផ្តើមទទួលដំណក់ប្រេងលើកដំបូងរបស់ខ្លួនហើយ ស្ថិតនៅតំបន់ប្លុក A នៃឈូងសមុទ្រកម្ពុជា ដោយក្រុមហ៊ុន Kris Energy ដែលបានខួងប្រេងចេញពីបាតសមុទ្រ ក្នុងខេត្តព្រះសីហនុ។ ជាការប្រពៃណាស់ ការចាប់ផ្តើមបូមប្រេងជាលើកដំបូងនេះ ពិតជាអស្ចា រ្យពោលគឺចំថ្ងៃខួបលើកទី២២ នៃការបញ្ចប់សង្គ្រាមនាំមកនូវការឯកភាពជាតិ ឯកភាពទឹកដី តាមរយៈនយោបាយឈ្នះ-ឈ្នះរបស់សម្តេចតេជោ ហ៊ុន សែន ដែលជាប្រមុខ ដឹកនាំដ៏ឆ្នើមបំផុតរបស់កម្ពុជា។
សម្តេចបន្តថា ដោយកិច្ចខិតខំប្រឹងប្រែងរបស់រាជរដ្ឋាភិបាល និងការចូលរួមយ៉ាងសកម្មពី ក្រុមហ៊ុន Kris Energy ដែលជាប្រតិបត្តិករនៃគម្រោងនេះ មកដល់ពេលនេះយើងបាន សម្រេចបាន នូវការបញ្ចប់ដោយជោគជ័យជាស្ថាពរនូវការសាងសង់ការបំពាក់គ្រឿងសម្ភារៈ និងបរិក្ខានៃបណ្តាហេដ្ឋារចនាសម្ព័ន្ធចាំបាច់នានា សម្រាប់ដំណើរការផលិតកម្មធនធាន រ៉ែប្រេងរបស់យើង។
ដំណក់ប្រេងលើកដំបូងរបស់កម្ពុជា នឹងចាប់ផ្តើមផលិតចេញពីអណ្តូងប្រេងទី១ ឈ្មោះ A-0ID នៃ ផ្លាតហ្វម A នៅក្នុងប្លុកនៃឈូងសមុទ្រកម្ពុជា នៅថ្ងៃទី២៩ ធ្នូ ឆ្នាំ២០២០ ដែលគាប់ជួនជាមួយថ្ងៃខួបលើកទី២២ នៃការបញ្ចប់សង្គ្រាមនាំមកនូវការឯកភាពជាតិ ឯកភាពទឹកដី តាមរយៈនយោបាយឈ្នះ-ឈ្នះ (២៩ធ្នូ ១៩៩៨-២៩ ធ្នូ ២០២០)។ ថ្ងៃទី ២៩ ធ្នូ ១៩៩៨ បង្កលក្ខណៈសម្បត្តិគ្រប់យ៉ាងឱ្យយើងមានដំណក់ប្រេងលើកដំបូងនៅកម្ពុជានាថ្ងៃទី ២៩ ធ្នូ ២០២០ នេះ។ សម្តេចតេជោក៏បានធ្លាប់បញ្ជាក់ថាថវិការដែលបានមកពីដំណក់ប្រេងរបស់កម្ពុជានិងយកទៅអភិវឌ្ឍន៍វិស័យសុខាភិបាល និងវិស័យអប់រំនៅក្នុងប្រទេសកម្ពុជា៕ រក្សាសិទ្ធិដោយ៖បញ្ញាស័ក្តិ
