បន្ឫយមានជ័យ ៖ ក្រោយករណី មន្ត្រីយោធាកងការពារព្រំដែនលេខ៥០៣ នៅឯខេត្តបន្ទាយមានជ័យធ្វើអត្តឃាតចង ក ដែលដាកា់ររសង្ស័យមូលហេតុថាជនរងគ្រោះរងសម្ពាធ បង្កឲ្យតូចចិត្តនឹងមេគយចល័តក្រសួងតំបន់៥(អគ្គនាយកដ្ឋានគយនិងរដ្ឋាករឬគយក្រសួងប្រចាំខេត្តបន្ទាយមានជ័យ ដែលចាប់ឡានចង្កូតស្តាំ ហើយអង្វរសុំយ៉ាងណាក៏មិនបាននោះ មកទល់ថ្ងៃទី១៥ខែកុម្ភៈឆ្នាំ២០២១ ថ្នាក់លើគយ , កងទ័ពជើគោកនិងរដ្ឋបាលខេត្ត បានចុះស្រាវជ្រាវនៅអង្គភាពគយនិងយោធា ក៏ដូចដែនដីខេត្តនោះ ។
លោកឈួន សោភា ចាប់រថយន្តអង្គភាពនោះ ថ្នាក់លើបញ្ជាឲ្យមានការស៊ើបអង្កេត ។
ប្រភពច្បាស់ការពីអគ្គនាយកដ្ឋានគយ និងរដ្ឋាករ(ទីចាត់ការគយ) បានឲ្យដឹងថ្ងៃទី១៤ខែកុម្ភៈឆ្នាំ២០២១ថា ៖ បន្ទាប់ពីមានករណី នេះកើតឡើង ថ្នាក់ដឹកនាំ ក្រសួងសេដ្ឋកិច្ចនិងហិរញ្ញវត្ថុ បញ្ជាឲ្យមន្ត្រីអធិការកិច្ចក្រសួងនិងគយអគ្គនាយកដ្ឋានចុះស្រាវជ្រាវ ។ ចំណែកខាងក្រសួងការពារជាតិ និងកងទ័ពជើងគោកក៏មានការចុះស៊ើបអង្កេត ផងដែរ ។
ក្នុងនោះ រដ្ឋបាលខេត្តបន្ទាយមានជ័យ បានចាត់តាំលោកងោ ម៉េងជ្រួន អភិបាលរងខេត្តឲ្យដឹកនាំគណៈកម្មការខេត្ត ជាម្ចាស់ដែនដីសម្រាប់ធ្វើការជាមួយប្រតិភូអធិការកិច្ចខាងលើផងដែរ ។
គឺ ក្រសួងការពារជាតិ បានចាត់តាំងឲ្យក្រុមអធិការកិច្ចក្រសួងការពារជាតិ និងអគ្គនាយកសម្ភារៈបច្ចេកទេស ចុះទៅស្រាវជ្រាវរកការពិត ។
ដំណើរការការនេះ ខាងថ្នាក់លើគយបានចាប់ផ្តើមធ្វើពីល្ងាចថ្ងៃទី១៤ និងព្រឹកថ្ងៃទី១៥ខែកុម្ភៈ ហើយបានចប់នូវការហៅមន្ត្រីគយនិងអ្នកពាក់ព័ន្ធសួរបំភ្លឺ ។
ចំណែកខាងក្រុមអធិការកិច្ចក្រសួងការពារជាតិ និងអគ្គនាយកសម្ភារៈបច្ចេកទេសក្រសួងការពារជាតិនឹងធ្វើនៅព្រឹកថ្ងៃទី១៦ខែកុម្ភៈ ។
លទ្ធផលស្រាវជ្រាវរបស់ស្ថាប័នទាំងពីរ មិនទាន់ដឹងនៅឡើយ ។
សូមរំលឹកថា ការចាប់រថយន្ដអង្គភាពកងការពារព្រំដែន ៥០៣ ដែលដឹកនាំដោយ លោក ឈួន សោភា ប្រធានគយចល័តក្រសួង តំបន់ ៥ (ប្រចាំខេត្តបន្ទាយមានជ័យ) បានទទួលរងការរិះគន់យ៉ាងខ្លាំងពីសំណាក់មហាជន ពិសេសលោកឧត្តមសេនីយ៍ទោ សេង ធារិន មេបញ្ជាការរងយោធភូមិភាគទី៥ ទទួលជានាយសេនាធិការនិងមន្ត្រីយោធាផ្សេងទៀត ផងដែរ ។
មានមតិខ្លះបានលើកឡើងថា ៖ លោកឈួន សោភា ហាក់ដូចគ្មានបទល្មើសគេចពន្ធត្រូវចាប់ បែរជាមកចាប់ រថយន្តកញ្ចាស់មួយគ្រឿង ដែលមន្ត្រីយោធាបានប្រើប្រាសក្នុងអង្គភាព ទោះជារថយន្តនោះចង្កូតស្តាំក៏ដោយក៏គួរអនុគ្រោះ កុមម៉ត់ចត់តឹងតែងពេក ។ ហើយគ្នាអង្វរក ធានាពីថ្នាក់លើអង្គភាពនិងយោធភូមិទី៥យ៉ាងណា ក៏មិនអត់អោន ។
លោកនាង រិទ្ធឆ័យ អាយុ៣៣ឆ្នាំភេទប្រុស រស់នៅភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ជាយោធិនវ័យក្មេងដែរ នៅកងការពារព្រំដែនលេខ៥០៣ ខេត្តបន្ទាយមានជ័យមុនចង កអត្តឃាតត្រូវបានគេរកឃើញសម្តីចុងក្រោយក្នុងកិច្ចសន្ទានា(ឆាតក្នុងហ្វេសប៊ុក) ជាមួយមិត្តភក្តិភក្តិថា ៖ (មន្ត្រី)បាននិយាយរឿងតូចចិត្តចំពោះគយចល័តកូនចៅ លោក ឈួន សោភា ចាប់រថយន្តរបស់ខ្លួន។
ពោលគឺមន្ត្រីនោះបានខិតខំ អង្វករនិងសុំអន្តរាគមន៍សុំរថយន្តដែលគ្រោះថ្នាក់ចរាចរណ៍ ហើយធ្វើរួចដើម្បីស្នើប្រើប្រាសវិញនោះដែរ តែខាងគយនៅតែមិនព្រម ។
ក្នុងបណ្តាញទំនាក់ទំនហសង្គមហ្វេសប៊ុករបស់លោកឧត្តមសេនីយ៍ សេង ធារិន មេបញ្ជាការរងយោធភូមិភាគ៥ និងជានាយសេធិការ បានសំដែងការសោកស្តាយបាត់បង់ជីវិតយោធាការពារព្រំដែនទិសខេត្តបន្ទាយមានជ័យវ័យក្មេងម្នាក់ករណីធ្វើអត្តឃាតខ្លួនឯងដែលគេដាក់ការសង្ស័យការស្លាប់នោះដោយសារតូចចិត្តរឿងគយចល័តកូនចៅរបស់លោក ឈួន សោភា មេគយចល័តក្រសួងតំបន់៥ ប្រចាំប្រចាំទិសខេត្តបន្ទាយមានជ័យចាប់រថយន្តធ្លាប់ជិះបម្រើអង្គភាព ការពារព្រំដែន ថាជារថយន្តគេចពន្ធ។
គឺក្រោយពីរថយន្តនោះទើបដោះស្រាយគ្រោះថ្នាក់ចរាចរណ៍ ហើយបានទៅខ្ចីលុយគេដោះស្រាយរួចហើយ ខណៈបើករថយន្តមកអង្គភាពវិញក៏ត្រូវគយចល័តចាប់រថយន្តនោះថែមទៀត។
លោកឲ្យដឹងកាលពីថ្ងៃទី១០ខែកុម្ភៈថា ៖ ពិតជាអាណិតសោកដល់គ្រួសាររងគ្រោះណាស់ ។ យោធិនដែលមានសមត្ថភាពដែរ ក៍មិនលើកទឹកចិត្តឲ្យកងកម្លាំងប្រើរថយន្ត(ចង្កូតស្តាំ) អត់ពន្ធដែរ លោកមេគយចលត័តំបន់៥(គយចល័តនៃអគ្គនាយកដ្ឋានគយនិងរដ្ឋាករ ប្រចាំខេត្តបន្ទាយមានជ័យ លោកធ្លាប់មានបញ្ហាអីខ្លះ ខ្លួនលោកផ្ទាល់(មន្ត្រីគយ)ដឹងហើយ ។
លោកបានបន្តថា៖ ខ្ញុំគិតថាការប្រមូលពន្ធជារឿងចាំបាច់ណាស់ដែលគួរលើកទឹកចិត្តដល់មន្ត្រីគយ ដើម្បីធានាប្រាក់ចំណូលជាតិ ។
តែក្នុងករណីនេះលោកគយប្រើដៃក្តៅពេកទេដឹង រថយន្តនេះចាស់ពេកហើយ មិនគួរដុតឲ្យខ្លោចរោយឲ្យឆៅទេ ។ រថយន្តចាស់មួយ តើជាកំហុសយោធិនកងការពារព្រំដែនគោកលេខ៥០៣ ឬជាកំហុសគយចលត័តំបន់៥ ។
គឺអនុសេនីយ៍ត្រី នាង រិទ្ធិឆ័យ ក្រោយគ្រោះថ្នាក់ចរាចរណ៍មួយ គាត់បានដោះស្រាយរួចយករថយន្តទៅជួសជុល ដោយគ្មានលុយគាត់បានខ្ចីលុយគេដោះស្រាយ ។
លុះជួសជុលរថយន្តហើយ មកអង្គភាពវិញ (មិនបានពាក់ផ្លាកលេខព្រោះទើបចេញពីជាង) ក៏ត្រូវគយចលត័តំបន់៥ចាប់ ។
សូមបញ្ជាក់ថារថយន្តនោះ ម៉ាកតូយ៉ូតាវីគោ ឆ្នាំផលិត២០១៣ ជារថយន្តមានផ្លាកលេខកងយោធពលខេមរៈភូមិន្ទប្រើប្រាស់ច្រើនឆ្នាំហើយ ។
លោកមេបញ្ជាការកងការពារព្រំដែន៥០៣ រត់ការយ៉ាងណាក៏ដោះស្រាយមិនចេញ ដោយសារការរឿងនេះ នេះបានបម្រើអង្គភាពមិនតិចទេ ។
អំពីមូលហេតុនៃការស្លាប់របស់មន្ត្រីយោធាវ័យក្មេងរូបនេះលោកវរសេនីយ៍ទោ ម៉ាន់ ធី អធិការរងទទួលផែនយុត្តិធម័នៃអធិការដ្ឋាននគរបាលក្រុងប៉ោយប៉ែតបានឲ្យដឹងថា ៖កាលពីថ្ងៃទី១០ខែកុម្ភៈឆ្នាំ២០២១វេលាព្រឹកមានករណីអត្តឃាតចង.ក.សម្លាប់ខ្លួននៅចំណុច.ប្រឡាយភ្លោះខាងកើតផ្លូវលំ.ចូលឃុំសំរោងស្ថិតនៅភូមិកណ្តាល.ឃុំសំរោង.ស្រុកអូរជ្រៅ.ខេត្តបន្ទាយមានជ័យ។
ជនរងគ្រោះមានឈ្មោះ នាង រិទ្ធឆ័យ អាយុ៣៣ឆ្នាំភេទប្រុស.រស់នៅភូមិអូរអំបិល.សង្កាត់អូរអំបិល.ក្រុងសិរីសោភ័ណ.ខេត្តបន្ទាយមានជ័យ ជា មន្ត្រីយោធាកងការពារព្រំដែនលេខ៥០៣ ឈរជើងនៅបន្ទាយនាភ្នំខ្លែងពណ៌ឃុំស្លក្រាមស្រុកស្វាយចេក ។
មន្ត្រីនគរបាលបានបន្តថា៖ មូលហេតុនៃអត្តឃាតមកពីជនរងគ្រោះមានវិបត្តិផ្លូវចិត្ត។ វិបត្តិនឹងរឿងជំពាក់លុយបងប្អូនផងនិងអ្នកដទៃផង បន្ទាប់ពីឡានបានខូចដោយគ្រោះថ្នាក់បុកនិងត្រូវគយចាប់ ។
មន្ត្រីយោធារូបនេះ ស្រឡាញ់រថយន្តនេះណាស់ ដោយសារវាមានហុងស៊ុយល្អ ។ហេតុនេះ ដល់រថយន្តនេះត្រូវចាប់ បុគ្គលនេះក៏ខូចចិត្តជាខ្លាំង ។
ទោះជាយ៉ាងណា ក៏មានប្រភពផ្សេងទៀតបានបង្ហើបថា លោកនាង នាង រិទ្ធឆ័យ នៅលីវ ជាមន្ត្រីយោធាការពារព្រំដែន៥០៣ ខេត្តបន្ទាយមានជ័យរូបនេះ ជាមនុស្សរួសរាយរាក់ទាក់ និងក៏ជាមនុស្សជំនិតរបស់លោកឧត្តមសេនីយ៍ត្រីឃួន ជឿន មេបញ្ជាការកងការពារព្រំដែនលេខ៥០៣ លោកឧត្តមសេនីយ៍ទោសេង ធារិន ផងដែរ ។
ប្រភពបន្តថា ក្រៅពីការចង កអត្តឃាត សង្ស័យឈឺចិត្តនឹងគយចល័តក្រសួងតំបន់៥ចាប់ឡានចង្គុតស្តាំកញ្ចាស់១គ្រឿងនេះ ក៏មានមូលហេតុផ្សេងដោយសារមន្ត្រីរូបនេះជាមុខសញ្ញារត់ពន្ធរថយន្តក្តៅឬហៅចង្កូតស្តាំ ហើយប្រើរថយន្តចង្កូតស្តាំថ្មីបន្តបន្ទាប់ ដោយគ្រាន់តែ យកស្លាកលេខខេមរភូមិន្ទតែ១ដដែលទៅពាក់ ។
ហេតុនេះ បានជាគយតាមដាន ហើយឆ្មក់ស្ទាក់ចាប់ ។
ឬជាឈ្នួញនាំចូលរថយន្តចង្កូតស្តាំ ដែលបែកការណ៍ ហើយខូចចិត្ត ។
លោកសុធា សុវណ្ណារី អនុប្រធានគយចល័តអគ្គនាយកដ្ឋានប្រចាំតំបន់៥(គយចល័តក្រសួងប្រចាំខេត្តបន្ទាយមានជ័យ) ប្រាប់តាមទូរស័ព្ទថ្ងៃទី១០ខែកុម្ភៈឆ្នាំ២០២១ ថា ៖ ករណីរថយន្តចង្កូតស្តាំ(របស់លោកនាង រិទ្ធិឆ័យ ) នោះ ត្រូវបានកម្លាំងគយចល័តដឹកនាំដោយប្រធានបានចាប់ ហើយរក្សាទុកនៅស្នាក់ការគយចល័តពីខែវិច្ឆិកា មក ។ មិនមែនទើបចាប់កាលពីថ្មីៗនេះទេ ៕
ដោយ ៖ បន្ទាយ
