ភ្នំពេញ ៖ ផ្ទះប្រជាពរដ្ឋចំនួនប្រាំ៧ខ្នងធ្វើអំពីឈើលើនិងក្រោមថ្ម ត្រូវបានអគ្គិភ័យលេបត្របាក់ទាំងស្រុង ទាំងកណ្ដាលយប់បង្កភ្ញាក់ផ្អើលដល់ប្រជាពលរដ្ឋជិតខាងនិងសមត្ថកិច្ច។
ហេតុការណ៍ភ្ញាក់ផ្អើលនេះដែរបានកើតឡើងកាលវេលាម៉ោង១១និង២០នាទីយប់ ថ្ងៃព្រហស្បតិ៍ទី១៨ខែកុម្ភៈឆ្នាំ២០២១ ស្ថិតនៅតាមបណ្តោយផ្លូវបេតុង
កែងនឹងផ្លូវទន្លេសាប ចំណុចជាប់របងវត្តចាស់ ក្នុងក្រុម២ភូមិជ្រោយចង្វា សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
បើយោងតាមប្រភពព័ត៌មានពីប្រជាពរដ្ឋម្នាក់ ដែលរសនៅជាប់ផ្ទះដែលឆាបឆេះនោះបានឲ្យដឹងថា មុនពេលកើតហេតុគាត់បានឮស្នូសំឡេងផ្ទុះចេញពីផ្ទះ ដែលបើកជាសិប្បកម្មធ្វើតុនិងទូ ខណៈ
ពេលដែលម្ចាស់ផ្ទះមិននៅបានចាក់សោចោល បណ្ដាលឲ្យឡើងអណ្តាតភ្លើងឆាបឆេះយ៉ាងសន្ធោសន្ធៅ ស្រាប់តែគាត់ឃើញបែបនេះ ក៏ប្រញាប់ប្រញាល់នាំប្រពន្ធនិងកូនរត់គេចចេញពីអណ្តាតភ្លើងមួយនេះ យកបានតែម៉ូតូកញ្ចាស់មួយគ្រឿងតែប៉ុណ្ណោះ។ ហើយក៏បានរាលដាលបន្តទៅដល់ផ្ទះដែលនៅជាប់ៗគ្នា ជាបន្តបន្ទាប់ ធ្វើឲ្យប្រជាពលរដ្ឋក្នុងភូមិផ្អើលរត់គេចចេញ និងទាក់ទងទៅដល់សមត្ថកិច្ចឲ្យចេញរថយន្តអន្តរាគមន៍ពន្លត់អគ្គិភ័យជាច្រើនគ្រឿង មកបាញ់ពន្លត់ទើបរលត់ទៅវិញទាំងស្រុង។
អ្វីគួរឲ្យសោកស្ដាយផ្ទះប្រជាពរដ្ឋត្រូវគ្រោះអគ្គិភ័យបានលេបត្របាក់ទាំងស្រុង នៅសល់តែផ្ទះគ្រោងឈើក្លាយជាធ្យូង។
ក្នុងហេតុការណ៍គ្រោះអគ្គិភ័យនេះគឺមិនមានអ្នកណាបាត់បង់ជីវិតនោះទេ។
ហើយសមត្ថកិច្ចបានបញ្ជាក់ឲ្យដឹងថា គ្រោះអគ្គិភ័យផ្ដើមមកពីឆ្លងចរន្តអគ្គិសនី។ ក្នុងប្រតិបត្តិការបាញ់ពន្លត់នេះ ប្រើប្រាស់រថយន្តពន្លត់អគ្គិភ័យអស់ចំនួន១៧គ្រឿង៕ រក្សាសិទ្ធិដោយ៖ សា មេត
