ព្រះសីហនុ៖ ជនសង្ស័យចំនួន៤នាក់ រួមមានជនជាតិចិន៣នាក់ និង វៀតណាមម្នាក់ ត្រូវបានកម្លាំងនគរបាលខេត្តព្រះសីហនុ ចាប់ឃាត់ខ្លួន ក្រោយពេលបានលួចនាំគ្រឿងញៀនទៅឲ្យអ្នកកំពុងធ្វើចត្តាឡីស័ក នៅក្រុងព្រះសីហនុ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានថ្លែងនៅថ្ងៃទី១០ ខែមីនា ឆ្នាំ២០២១ នេះ ថា ជនសង្ស័យ បានបង្កប់គ្រឿងញៀនជាមួយសម្ភារ នំ ផ្ញើឲ្យអ្នកធ្វើ ចត្តាឡីស័ក ចំនួន៣ករណី ។
បច្ចុប្បន្នជនសង្ស័យទាំង៤នាក់ រួមនឹងវត្ថុតាងត្រូវបានកម្លាំងជំនាញកំពុងកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី ៕ រក្សាសិទ្ធិដោយ៖សួង សាម
