បណ្តារូបភាពជាច្រើនសន្លឹកទាំងនេះ ដែលបង្ហាញឲ្យឃើញ «ជើងជាន់ក្បាល» ត្រូវបានអះអាងជាជំនឿព្យាបាលរោគដ៏ចម្លែកមួយរបស់ថៃ អាចនិយាយបានថា គឺជារឿងរ៉ាវមួយដ៏ហួសចិត្តបំផុត កំពុងរញ្ជួយនៅលើពិភពអនឡាញនៃប្រទេសនេះ ។
ទាក់ទងរឿងរ៉ាវហាក់ដូចឆ្កួតៗនេះ ត្រូវបានម្ចាស់គណនីហ្វេសប៊ុកឈ្មោះ Pimpitchaya Pam Arkarajiratthikarm លើកយកមកបង្ហោះ និងសរសេរយ៉ាងដូច្នេះថា៖ «នេះជាជំនឿងុបងុលគ្មានការពិចារណាមួយ ខណៈពេលដែលជនជាតិថៃមួយចំនួន បាននិងកំពុងទៅក្រាបឱនក្បាលឲ្យគ្រូក្មេងម្នាក់ ដាក់ជើងធាក់ក្បាលដើម្បីព្យាបាលជំងឺបែបនេះ ។
ម្នាក់ក្នុងចំណោមអ្នករិះគន់ដ៏ហួសចិត្តជាច្រើន បាននិយាយថា៖ «នេះជាជាជំនឿឆ្កួតៗមួយ ដែលមិនគួរណាពួកគេទាំងនេះ អនុញ្ញាតឲ្យ «ក្បាល» ដែលជាកន្លែងប្រកាន់បំផុត សម្រាប់មនុស្សៗគ្រប់រូប ត្រូវស្ថិតក្រោម «បាតជើង» របស់បុរសនេះសោះឡើយ ។ ហើយបើខ្លាំងពូកែម្លឹងៗ នោះមន្ទីរពេទ្យគេបិទចោលអស់ហើយ» ។
ទោះយ៉ាងណា នេះគ្រាន់តែជាជំនឿរបស់បុគ្គលម្នាក់ៗប៉ុណ្ណោះ ។ ចុះប្រិយមិត្តវិញយល់ឃើញយ៉ាងណាដែរ?
