នេះជាមង្គលការដ៏ចម្លែក និងអភព្វមួយ ដែលបុរសម្នាក់ត្រូវបានស្គាល់ថាមានឈ្មោះ Lai ដែលបានខូចចិត្តដោយសារមិត្តស្រីស្លាប់ចោល បានសម្រេចិត្តរៀបការជាមួយ «អដ្ឋិធាតុ» របស់នាង ដើម្បីបង្ហាញពីទំហំនៃសេចក្តីស្រលាញ់ដ៏មហាធំធេង និងការប្តេជ្ញាមុះមុតរបស់គាត់ចំពោះរូបនាង ។
ពិធីមង្គលការនេះ ត្រូវបានធ្វើឡើងនៅក្នុងភូមិ Hshinchu, តៃវ៉ាន់ ដើម្បីជា «ឧបកិច្ច» សម្រាប់ដំណើរចុងក្រោយរបស់នាង រួមជាមួយក្រុមគ្រួសារ និងមិត្តភក្តិរបស់ពួកគេ ។
Lai ត្រូវបានឃើញបានកាន់ «អដ្ឋិធាតុ» មិត្តស្រីរបស់គាត់ ដែលត្រូវបានគ្រោងដោយឈុតសម្លៀកអាពាហ៍ពិពាហ៍ពណ៌ស គួរឲ្យស្រងេះស្រងោចបំផុត ខណៈក្រុមគ្រួសារ សាច់ញាតិ មិត្ត អបអរសាទរពោរពេញដោយដំណត់ភ្នែកហូរជោគផែនថ្ពាល់របស់ពួកគេតែម្តង ៕ ចន្ទី
