ប្រិយមិត្តបានស្គាល់ច្បាស់ហើយ តារាកំប្លែងជើងចាស់ លោក ជួង ជី ហៅនាយ កុយ គឺជាតារាកំប្លែងជើងចាស់ដ៏ល្បីឈ្មោះមួួយរូបប្រចាំប្រទេសកម្ពុជា។ ជាការពិតណាស់ នាយកុយ បានល្បីល្បាញខ្លាំង កាលពីអំឡុងឆ្នាំ២០០០ ដែលកាលនោះ លោក និងនាយក្រឹម គឺជាមិត្តរួមក្រុមគ្នា ហើយនៅពេលលឺថានាយកុយ នាយក្រឹម ទៅសម្តែងម្តងៗនោះមនុស្សម្នាភ្លូកទឹកភ្លូកដីផ្អើលទៅមើលហើយ។
តែយ៉ាងណា បច្ចុប្បន្ននេះ លោកមានវ័យកាន់ច្រើនហើយ ខណៈសុខភាពក៏ធ្លាក់ចុះតាមវ័យ ហេតុនេះ លោកពុំសូវចេញសម្តែងដូចមុនទៀតទេ ស្របពេលការសម្តែងនៅតាមប៉ុស្តិ៍ទូរទស្សន៍ក៏បានធ្លាក់ចុះ ប៉ុន្តែ លោកនៅតែអាចសម្តែងបាន ដូចជាសម្តែងកាត់សក់យូរៗម្តង នៅក្នុងពិធីមង្គលការគេ និងក៏ឃើញឆ្លៀតទៅលេងល្ខោនបាក់សាក់ម្តងម្កាលផងដែរ កាលពីមិនទាន់ផ្ទុះជំងឺកូវីដ១៩ នៅក្នុងប្រទេស។
ដោយឡែក បើងាកមើលមើលជីវិតគ្រួសាររបស់លោកវិញ កាលពីពេលកន្លងមក នាយកុយ ធ្លាប់បានប្រាប់សារព័ត៌មានក្នុងស្រុកមួយឲ្យដឹងថា លោកមានកូនស្រីម្នាក់ឈ្មោះ ជី រដ្ឋា ជាកូនទី៣ ក្នុងចំណោមបងប្អូន៦នាក់។ ហើយអ្វីដែលមិននឹកស្មាន និងគួរឲ្យសរសើរនោះ គឺថា កូនស្រីរបស់លោកពុំត្រឹមជាកូនប្រកបដោយគន្លងធម៌ប៉ុណ្ណោះទេ គឺថែមមានរូបសម្រស់ស្អាតមិនចាញ់អ្នកសិល្បៈនោះឡើយ។
តែទោះយ៉ាងណា នាយកុយ ក៏បានបញ្ជាក់ឲ្យដឹងថា «ទោះបីជាកូនខ្ញុំ គាត់មានរូបស្រស់ស្អាតក៏ដោយ គាត់អត់ ដែលមានចិត្តចង់ចូលប្រឡូកសិល្បៈដូចខ្ញុំទេ គោលបំណងគាត់ចង់ធ្វើការឯករាជមានមុខជំនួញផ្ទាល់ខ្លួន»។ ហើយលោកក៏បានបង្ហើបថា បច្ចុប្បន្ននេះ នាងមានគ្រួសារ និងមានកូន ៣នាក់រួចហើយ ដោយប្រកបមុខរបរជាអ្នកលក់សម្លៀកបំពាក់ នៅផ្សារទួលទំពួង៕ រក្សាសិទ្ធិដោយ៖ លឹមហុង
