បុរស២នាក់ អាយុ២៣ឆ្នាំ ជាមិត្តភក្តិនឹងគ្នា មាននាយ ជិរ៉ាផាត់ និងនាយ ណាត់តាផាត់ ដោយគេសុំមិនបញ្ចេញត្រកូលរបស់គ្រួសារទាំង២។ ពួកគេជាកូនសេដ្ឋី រៀនឆ្នាំទី ៤ នៃមហាវិទ្យាលយ័ឯកជនល្បីមួយ នាក្រុងបាងកក តែពេលនេះត្រូវអស់អនាគតដោយសារតែពូកែឆ្នៃប្រឌិតពេកដោយយកកញ្ឆាទៅលាយដាក់ក្នុងនំ brownies ហើយដាក់លក់តាម Facebook ។
សមត្ថកិច្ចបានតាមដានមើលសកម្មភាពរបស់ពួកគេមួយរយៈ ទើបចាត់ចែងអោយមានការបន្លំខ្លួនទៅទិញនំ Chocolate Brownies ១០ដុំ និង កញ្ឆាស្ងួត ៤០០ក្រាម ទាំងនេះក្នុងតម្លៃ ៦០០០បាត។ សមត្ថកិច្ចព័ទ្ធចាប់បាននៅពេលដែលពួកគេទាំង២នាក់ យករបស់មកប្រគល់អោយអ្នកទិញដែលជាខ្សែរបស់ប៉ូលិស។ ហេតុការណ៍នេះកើតឡើងកាលពីថ្ងៃ ៣១ ខែមីនា កន្លងមកនេះ៕ ក្ខិណី
