ប៉ុន្មានថ្ងៃនេះ ឃើញថាភ្លៀងបានធ្លាក់ចុះមកយ៉ាងគំហុក ជាប់ៗគ្នាតែម្តង ដែលធ្វើឲ្យតំបន់ជាច្រើនទាំងក្នុង និងជុំវិញជាយក្រុងភ្នំពេញ បានទទួលរងការជន់លិចស្ទើរគ្រប់កន្លែង។
ជាក់ស្តែង បើក្រឡេកមកលើខាងក្រុងតាខ្មៅវិញ នោះតំបន់ជាច្រើនត្រូវបានទឹកជន់លិចអស់ហើយ ក្នុងនោះផ្ទះសម្បែងប្រជាពលរដ្ឋមួយចំនួនធំ ក៏រងការលិចលង់យ៉ាងដំណំផងដែរ។
តែយ៉ាងណាមិញ ជាមួយនិងទុក្ខលិចលង់ផ្ទះសម្បែងដោយសារជំនន់ទឹកភ្លៀងនេះផងដែរ ឃើញថាក្នុងនោះអ្នកខ្លះក៏សប្បាយអរផងដែរ គឺរំភើបនៅពេលបានចាប់ត្រីឡើងតាមទឹកជំនន់។ នេះបើតាមប្រភពហ៊្វេសបុកដែលមានឈ្មោះថា មហា គ្រួសារតាខ្មៅ បានបង្ហោះរូបភាពជាច្រើនសន្លឹក ទាក់ទងទិដ្ឋភាពបងប្អូនអ្នកតាខ្មៅបន្ទាប់ពីមេឃភ្លៀងមួយមេធំលិចលង់ផ្ទះអស់ ស្រាប់តែចាប់បានសុទ្ធតែត្រីៗធំៗ មិនគួរអោយជឿ៕ រក្សាសិទ្ធិដោយ៖ លឹម ហុង
