បន្ទាយមានជ័យ ៖ ផ្ទះមួយខ្នងធ្វើអំពីក្រោមថ្មលើឈើត្រូវភ្លើងឆេះខ្ទេចអស់ ខណ:កាលពីម៉ោង ៦ល្ងាច ថ្ងៃទី៤ ខែមេសា ឆ្នាំ២០១៨ នៅចំណុចភូមិកំពង់ស្វាយ សង្កាត់កំពង់ស្វាយក្រុងសិរីសោភ័ណ ខេត្តបន្ទាយមានជ័យ ។
លោកវរសេនីយ៍ យ៉ាន់ សុវណ្ណមេបញ្ជាការមូលដ្ឋានកងរាជអាវុធហត្ថក្រុងសិរីសោភ័ណបានប្រាប់ឲ្យដឹងថា ៖ ជនរងគ្រោះជាម្ចាស់ផ្ទះមានឈ្មោះម៉ៅ ប៊ុនឃុយ ភេទ ប្រុស អាយុ ៦២ឆ្នាំ រស់នៅភូមិ/សង្កាត់កំពង់ស្វាយ ។
នៅមុនពេលកើតហេតុនោះ អ្នកជិតខាងបានឃើញភ្លើងបានឆេះចេញពីក្នុងផ្ទះ ហើយពួកគេនិងសមត្ថកិច្ចកងកម្លាំងអាវុធហត្ថ នគរបាលបានជួយពន្លត់អស់ជាង១ម៉ោង ទើបគ្រប់គ្រងបាន។
សមត្ថកិច្ថនិយាយថា ៖ ការឆេះនោះបណ្តាលមកពីទុស្សេខ្សែភ្លើង។ វាបានបំផ្លាញ៣០ភាគរយនៃផ្ទះមួយខ្នងទំហំ៦ម×៩ម ធ្វើអំពីថ្មក្រោមថ្មឈើលើ និងខូចខាតគ្រែដេក១ ពូក១ ៕ ដោយ ៖ បន្ទាយ
