ប្រសិនបើរូបភាពរបស់មនុស្សម្នាក់ស្លៀកពាក់ខោអាវកញ្ចាស់មួករហែក មានលុយកាក់ប៉ុន្មានកាក់នៅក្នុងនោះ រួចអង្គុយតាមដងវិថី វាជារឿងធម្មតាទៅហើយ ។ ប៉ុន្តែថ្មីៗនេះនៅប្រទេសចិនអ្នកដំណើរទទួលអារម្មណ៍នឹកស្មានពុំដល់ខណៈពេលឃើញស្មូមម្នាក់អង្គុយនៅកាច់ជ្រុងផ្លូវចាក់លុយមួយគំនរនៅពីមុខ ហើយក្រាបសំពះ ។
ទង្វើដ៏ចម្លែកបែបនេះ បាននាំមកឲ្យមានការជជែកខ្លះថា វាជាស្នៀតរកលុយបែបថ្មីរបស់ក្រុមស្មូម។
ប៉ុន្តែវាហាក់ដូចពុំសមព្រោះនៅពេលមានខ្យល់បក់លុយនោះហើរចេញពីពំនូក ហើយអ្នកដំណើរឃើញដូច្នេះ ក៏រំលឹកប្រាប់ដល់បុរសជាស្មូម ក៏គាត់ពុំរវល់ ដឹងតែពីឱនក្បាលក្រាបទៅលើថ្នល់ ។
ខ្សែវីដេអូនេះពិតជាទាក់ទាញចំណាប់អារម្មណ៍របស់ប្រជាអ៊ិនធើណេត ដោយហេតុថា គេពុំអាចបកស្រាយអំពីទង្វើដ៏ចម្លែកដូចពោលខាងលើ ។
ហេតុការណ៍នេះកើតឡើងនៅ ហាកឈាំ ខេត្តហ៊ួណាន ប្រទេសចិន។
ប្រិយមិត្តយល់ទេ ហេតុអ្វីក៏គាត់ធ្វើបែបនេះ?