គេហទំព័រ TMZ ថ្មីៗនេះបានទម្លាយចេញរូបភាព “ដ៏មានតម្លៃ” គ្រាដែល Selena Gomez និងមិត្តប្រុសចាស់ Justin Bieber ត្រូវបានគេប្រទះឃើញនៅបរិភោគអាហារជាមួយគ្នា កាលពីព្រឹកថ្ងៃអាទិត្យកន្លងមក។ គូស្នេហ៍ចាស់២រូបនេះ បានជ្រើសយកភោជនីយដ្ឋាន នៅតំបន់ Westlake Village នៃរដ្ឋកាលីហ្វ័រញ៉ា (អាមេរិក)។ គេអាចសម្លឹងឃើញ Selena ភ្លាមក្នុងរូប ខណៈ Justin ពាក់អាវរងាមានមួកក្បាលជិត។
Selena Gomez បែរមកជួយ Justin Bieber ខណៈពេលមិត្តប្រុសអវត្តមាន
នៅថ្ងៃនេះគេបានឃើញអ្នកទាំង២ ស្ថិតនៅភោជនីយដ្ឋាននោះ ដល់ពាក់កណ្តាលអាធ្រាត។ ប៉ុន្តែតាមប្រភពពី TMZ នោះមិត្តភក្តិមួយចំនួនរបស់គេទាំង២នាក់ ក៏មានមុខនៅទីនោះដែរ។ រវាងអ្នកទាំង២ពុំឃើញមានកាយវិការស្និតស្នាលអ្វីទេ ហើយ The Weekend ក៏បានដឹងពីជំនួបរបស់ Selena ដែរ។ អ្នកចម្រៀង “Starboy” ពុំអាចចូលរួមជំនួបនេះបានព្រោះរវល់ចេញទៅសម្តែងនៅឆ្ងាយ។
មានប្រភពខ្លះចែករំលែកថា The Weekend ពុំខ្វាយខ្វល់អ្វីណាស់ណាទេ ពីរឿងនេះ ព្រោះតារាចម្រៀងសញ្ជាតកាណាដា និង Selena នៅតែជា “១០០%ជាគូនឹងគ្នា”។
រថយន្តរបស់ Justin Bieber នៅច្រកចូលផ្ទះរបស់ Selena Gomez
គេបានឲ្យដឹងថា Justin បានបន្តទាក់ទងនឹង Selena ឡើងវិញ ក្រោយពេលតារាចម្រៀងនេះប្រាប់ពីរឿងប្តូរក្រលៀនរបស់នាង ។ ទំនាក់ទំនងរវាងពួកគេក៏ស្រុះស្រួលសារជាថ្មី។
Justin Bieber និង Selena សុទ្ធតែយល់ថា ដល់វេលា ដែលពួកគេធំហើយៗត្រូវបំភ្លេចចោលរឿងអតីតកាល ៕
