ថ្វីត្បិតតែមានផលប៉ះពាល់ពីជំងឺកូវីដ-១៩ក៏ដោយ ឧស្សាហកម្មសំណង់នៅប្រទេសស្រីលង្កា ដែលជាវិស័យមួយដ៏សំខាន់វិស័យក្នុងចំណោមវិស័យអភិវឌ្ឍន៍ច្រើនទៀត បានឃើញពីកំណើនវិជ្ជមាន។
ការវិនិយោគបរទេស ការសាងសង់ផ្លូវល្បឿនលឿន និងហេដ្ឋារចនាសម្ព័ន្ធ ការអភិវឌ្ឍរួមទាំងកំពង់ផែត្រូវបានផ្តល់សិទ្ធិអំណាចពេញលេញ។ ការបន្តនៃវិស័យនេះបានពង្រឹងសេដ្ឋកិច្ចរបស់ប្រទេស និងធានាសន្តិសុខនិងសុវត្ថិភាពការងារដល់កម្មកររាប់ពាន់នាក់។
វាក៏បានដើរតួនាទីយ៉ាងសំខាន់ក្នុងការកាត់បន្ថយការធ្លាក់ចុះសេដ្ឋកិច្ចដែលអាចកើតមានក្នុងកំលុងពេលនៃការបិទខ្ទប់ ដោយសារតែប្រជាជនភាគច្រើនរបស់ប្រទេសនេះ គឺមានប្រជាជនដែលមានប្រាក់ចំណូលទាបច្រើន ដោយត្រូវបានផ្តល់ការងារនៅក្នុងវិស័យទាំងនេះ។ វិទ្យាស្ថាន JICA របស់ប្រទេសជប៉ុនអាចបញ្ចប់ការសាងសង់ផ្លូវល្បឿនលឿនឆ្ពោះទៅរាជធានី ជាផ្លូវហាយវេ ហើយជាផ្នែកមួយនៃ Central Expressway ក៏នឹងត្រូវបើកដំណើរការនៅថ្ងៃខាងមុខផងដែរ។
មិនតែប៉ុណ្ណោះ សកម្មភាពអភិវឌ្ឍន៍ហេដ្ឋារចនាសម្ព័ន្ធ រួមទាំងការពង្រីកផ្លូវថ្នល់កំពុងត្រូវបានអនុវត្តជាបន្តបន្ទាប់នៅទូទាំងប្រទេស។ គេសង្ឃឹមថាទៅថ្ងៃអនាគតស្រីលង្កានឹងអាចលេចចេញជាប្រទេសដែលមានស្ថិរភាពក្នុងតំបន់។ ជាមួយគ្នានេះ មន្ត្រីអភិវឌ្ឍន៍រដ្ឋាភិបាល Chinthaka muthukumarana បានសាទរចំពោះកិច្ចខិតខំប្រឹងប្រែងរបស់រដ្ឋាភិបាលក្នុងការ “ទប់ស្កាត់គ្រោះមហន្តរាយដែលអាចកើតមាននៅក្នុងប្រទេស” ដោយវិធានការដែលខ្លួនបានអនុវត្តដើម្បីអនុវត្តកិច្ចការអភិវឌ្ឍន៍ដោយមិនមានការរំខានក្នុងការធានាការងារដល់កម្មករសំណង់ជាច្រើន រួមមានជាងម៉ៅការ អ្នកបច្ចេកទេស កម្មករជាដើម៕ ប្រភព៖ A24
