តារាចម្រៀង នី រតនា ត្រូវបានអ្នកគាំទ្រសរសើរមិនដាច់មាត់ឡើយ ខណៈដែលគេមានគូដណ្ដឹងជានារីដ៏ស្រស់ស្អាត ពូកែ និងឆ្លាត ហើយអ្វីដែលសំខាន់ គឺជានារីដែលមានអកប្បកិរិយាមាយាទល្អ សមជានារីខ្មែរ និងជាកូនស្រីក្នុងក្រកូលអភិជនផងដែរ ។
ទាក់ទងជាមួយគ្នានេះ កញ្ញា ហេង សុវណ្ណភក្ដិ ដែលជាគូដណ្ដឹងរបស់លោក នី រតនា បានឱ្យដឹងថា បច្ចុប្បន្នឪពុករបស់នាងឈ្មោះលោក ហេង សុវណ្ណ ដែលគេដឹងថា ជាអ្នកជំនួញធំក្នុងប្រទេសមានផ្ទះវីឡាចំនួន ៣កន្លែង ក្នុងនោះមាន ២កន្លែងនៅក្នុងរាជធានីភ្នំពេញ និង ១កន្លែងនៅខេត្តសៀមរាប ទុកគ្រាន់តែទៅលំហែមានកម្មពិធីជួបជុំសប្បាយជាមួយក្រុមគ្រួសារម្ដងម្កាល ។ ជាមួយគ្នានេះ កញ្ញាបានបញ្ជាក់ថា វីឡាមួយកន្លែងនៅរាជធានីភ្នំពេញកំពុងសាងសង់ ដែលមានទីតាំងនៅក្បែរផ្សារទំនើបអ៊ីអន២ ។
គួរបញ្ជាក់ថា តារាចម្រៀងម្ចាស់ពាន Cambodian Idol រដូវកាលទី ២ នី រតនា បានភ្ជាប់ពាក្យកាលពីព្រឹកថ្ងៃទី ២៧ ខែមេសា ឆ្នាំ ២០១៨ កន្លងមកនេះ ជាមួយកញ្ញា ហេង សុវណ្ណភក្ដិ ម្ចាស់នាំចូលផលិតផលសម្រស់ម៉ាក Womea ៕ សាវុធ
