បាងកក/ប្រទេសថៃ៖ ប្រទេសថៃបានបើកយុទ្ធនាការថ្នាក់ជាតិមួយ ដើម្បីបង្ក្រាបការរត់ពន្ធ និងប្រើប្រាស់សត្វព្រៃ ដែលជាធម្មតាត្រូវបានរត់ពន្ធចូលក្នុងប្រទេស តាមផ្លូវទៅកាន់ប្រទេសជិតខាង បន្ទាប់ពីវាត្រូវបានគេរកឃើញថាសត្វព្រៃអាចបង្កឱ្យមានការរីករាលដាលនៃជំងឺរាតត្បាត។
លោក រ័ត្នតាផន ពីតាកថាប់សម្បត្តិ (Rattaphon Pitakthepsombat) ដែលធ្វើការនៅអង្គការ UNDP បាននិយាយថា សត្វអាចបង្ករការឆ្លងបានយ៉ាងងាយ ដោយបន្ថែមថា មេរោគអាចចម្លងពីសត្វទៅមនុស្ស។លោកបានព្រមានថា ការធ្វើបែបនេះអាចបង្កផលវិបាកធ្ងន់ធ្ងរ។
ការស្ទង់មតិ លោកបណ្ឌិត ផេត ម៉ានូផាវីត (Petch Manopawitr) ដែលធ្វើការឱ្យអង្គការអភិរក្សសត្វដំរី និងខ្លាអាស៊ីក្នុងប្រទេសថៃ បាននិយាយថា ការស្ទង់មតិដែលពួកគេបានធ្វើឡើងបានរកឃើញថា ប្រជាជនថៃ ជាពិសេសអ្នកដែលរស់នៅក្នុងទីក្រុង និងអ្នកដែលស្ថិតក្នុងក្រុមអាយុ 18-30 ចូលចិត្តភ្លក្សសាច់សត្វព្រៃ។ លោកបានបន្ថែមថា អង្គការរបស់លោកបានបើកយុទ្ធនាការ “អាហារត្រឹមត្រូវ” ដើម្បីលើកកម្ពស់ការប្រើប្រាស់ប្រកបដោយនិរន្តរភាព និងជូនដំណឹងដល់ប្រជាជនអំពីហានិភ័យនៃការបង្កជំងឺរាតត្បាត។
“ការងាររបស់យើងគឺធ្វើតេស្ត DNA លើសត្វព្រៃ។ ប្រសិនបើយើងទទួលបានភស្តុតាង [សត្វព្រៃ] ហើយយើងមិនអាចកំណត់ប្រភេទរបស់វាពីរូបរាង ឬសរីរវិទ្យាទេ យើងនឹងធ្វើតេស្ត DNA របស់វា ដើម្បីរកមើលថាតើវាជាប្រភេទសត្វអ្វី។ នៅពេលដែលយើងដឹងពីប្រភេទសត្វនោះ យើងនឹងពិនិត្យមើលថាតើវាជាប្រភេទសត្វទទួលការការពារ ឬជិតផុតពូជ យោងតាមច្បាប់ស្តីពីការអភិរក្ស និងការពារសត្វព្រៃ។ ប្រសិនបើមែន លទ្ធផលតេស្ត DNA នឹងត្រូវប្រើសម្រាប់ការស៊ើបអង្កេត និងកាត់ទោស។” នេះបើតាមការលើកឡើងរបស់លោកវេជ្ជបណ្ឌិត Kanita Ouitavon ប្រធានមជ្ឈមណ្ឌលពិសោធន៍សត្វព្រៃ៕ ប្រភព៖ A24
