មួយរយៈធំចុងក្រោយនេះ ខណៈដែលម្ដាយកំពុងមានជម្ងឺ តារាចម្រៀង វណ្ណា ស័ក្តិ ក៏ហាក់ដូចជាស្ងប់ស្ងាត់ពីពិភពសិល្បៈចម្រៀងផងដែរ ដែលស្ទើរតែធ្វើឱ្យអ្នកគាំទ្រភ្លេចសំឡេងរបស់លោកទៅហើយ ប៉ុន្តែអ្វីដែលធ្វើឱ្យអ្នកគាំទ្រក៏ជាអ្នកលេងហ្វេសប៊ុកចាប់អារម្មណ៍ជាថ្មីនោះ គឺថ្មីៗនេះ ម្ចាស់បទ «លាក់ប្រវត្តិក្បត់ក្បែរបេះដូងស្មោះ» ខាងលើបានបង្ហាញមុខគូស្នេហ៍ដ៏ស្រស់ស្អាត ។
ជាការពិតណាស់ បន្ទាប់ពីបង្ហាញមុខគូស្នេហ៍ជាសាធារណៈយ៉ាងនេះ បានធ្វើឱ្យអ្នកគាំទ្រជាច្រើន កោតសរសើរយ៉ាងខ្លាំង ខណៈដែលតារាៗមួយចំនួនធំធ្លាប់តែលាក់បាំងគូស្នេហ៍របស់ពួកគេមិនឱ្យមហាជនបានស្គាល់ ។
ជាមួយគ្នានេះផងដែរ លោក វណ្ណា ស័ក្តិ បានសរសេរសារខ្លីមួយថា ក្តីស្រឡាញ់កើតចេញពីចិត្ត ទើបអាចធ្វើឱ្យយើងទាំងពីរនាក់ស្គាល់គ្នារហូតមកដល់ពេលនេះ និង តទៅអនាគត មិនប្រែទៅណា….សូមកុំឱ្យមានរឿងអ្វីកើតឡើងទាំងអស់ចំពោះយើងទាំងពីរនាក់ ស្រឡាញ់អូន ប្រពន្ធសម្លាញ់» ៕ សាវុធ
