ក្មេងស្រីដែលទើបតែចេះនិយាយស្តីគួរឲ្យស្រលាញ់ម្នាក់ ត្រូវបានសត្វពស់វែកចឹករហូតស្លាប់គួរឲ្យសង្វែកពេកក្រៃ ធ្វើឲ្យឪពុកម្តាយរបស់នាងយំសោកបោកខ្លួនយ៉ាងខ្លាំង ព្រោះតែពុំអស់ចិត្តនឹងកូនស្រីលាចាកលោកយ៉ាងវ័យខ្ចី និងទាំងទឹកមុខស្រស់បស់បែបនេះ ។
ប្រភពវីដេអូចែករំលែក ពុំបានបញ្ជាក់ថា ហេតុការណ៍ដ៏សង្វេកនេះកើតនៅក្នុងស្រុកភូមិណា និងក្មេងស្រីរងគ្រោះត្រូវពស់ចឹកស្លាប់ក្នុងវិធីណានោះទេ ។ ប៉ុន្តែ សត្វពស់ដែលបានចឹកនោះ ត្រូវបានរកឃើញ និងវាយសម្លាប់ចោលផងដែរ ដែលវាត្រូវបានដឹងថាជាប្រភេទពស់វែកដំបូក ។
ទន្ទឹមនោះផងដែរ អ្នកលេងហ្វេសប៊ុកក៏បានស្តីបន្ទោសទៅដល់ឪពុកម្តាយក្មេងស្រីរងគ្រោះផងដែរថា ទុកកូនឲ្យគ្រូខ្មែរមើលទាល់តែហួសពេល មិននាំយកនាងទៅកាន់មន្ទីរពេទ្យទេ ។ ខណៈអ្នកខ្លះទៀតថា៖ «ស្នាមដូចឱ្យគ្រូស្ដោះផ្លុំចឹង!!! សម័យនេះបើវាខាំឬចឹកត្រូវយកទៅពេទ្យសម័យទំនើបគេចាក់ថ្នាំបណ្ដេញពឹសឃាត់ពឹសកាត់បន្ថយការឈឺចាប់បាន ខ្ញុំធ្លាប់ពស់ខាំដែរកុំតែទៅពេទ្យសម័យទំនើបទាន់ច្បាស់ជារលួយសាច់អស់បើនៅស្ដោះផ្លុំ!!» ។ អ្នកដទៃទៀតក៏បានណែនាំថា៖ «ថ្ងៃក្រោយបើមានអ្នកពោះចឹកទៀត យកម្ទេសអាច់សត្វ និងថ្នាំខ្លាំង បុកពូតយកទឹកវាផឹកកាកថ្នាំបិតមុខរបួស» ៕ ចន្ទី
ប្រភព៖ ហ្វេសប៊ុក
